Örygg­is­sveitir Egypta drápu ­fyrir mis­tök tólf ferða­menn í gær, í aðgerðum sem áttu að bein­ast gegn hryðju­verka­mönn­um. Tólf manns til við­bót­ar slös­uð­ust en lifðu af þegar örygg­is­sveit­irnar réð­ust að bílum ferða­mann­anna.

Í til­kynn­ingu frá stjórn­völdum í Egypta­landi segir að ferða­menn­irnir hafi verið á svæði þar sem umferð er bönn­uð. Talið var að á ferð­inni væri hópur hryðju­verka­manna og var ákveðið að ráð­ast á hann úr lofti. Ferða­mennnirnir hafi ekki látið vita af ferðum sín­um.

Í umfjöllun BBC um málið eru skýr­ingar egypskra stjórn­valda dregnar í efa og hefur frétta­stofan eftir heim­ild­ar­manni að ferða­menn­irnir hafi upp­lýst um ferða­á­ætl­anir sín­ar og hafi um tíma haft lög­reglu­fylgd.

Tveir hinna látnu og minnst fimm hinna slös­uðu eru ­ferða­menn frá Mexíkó. For­seti lands­ins, Enrique Pena Nieto, tjáði sig um málið á sam­fé­lags­miðlum þar sem hann for­dæmd­i árás Egypta. Hann kallar eftir ítar­legri rann­sókn ­at­burð­un­um.

Ferða­menn­irnir voru drepnir í eyði­mörk­inni í vest­ur­hluta Egypta­lands. Örygg­is­sveitir Egypta hafa þar barist gegn víga­mönnum ísla­mista og töldu bíla­lest­ina á þeirra veg­um.