Eim­skip hefur  keypt hol­lenska flutn­ings­miðl­un­ar­fyr­ir­tækið Jac. Meisner Internationaal Expeditiebedrijf B.V. Greint var frá þessu á vef Eim­skip í dag, en til­kynn­ing um við­skiptin hefur þó ekki verið birt á vef Kaup­hallar Íslands.

Jac. Meisner var stofnað árið 1959 og er stað­sett á hafn­ar­svæð­inu í Rott­er­dam. Sér­þekk­ing fyr­ir­tæk­is­ins er á sviði toll­skjala­gerð­ar, heil­brigð­is­eft­ir­lits og mót­töku og eft­ir­lits á frystum og kældum vörum hvaðanæva úr heim­inum til inn­flutn­ings til Evr­ópu­landa, að því er segir í til­kynn­ingu á vef Eim­skip. „Ár­leg velta fyr­ir­tæk­is­ins nemur um 7,5 millj­ónum evra og með áætl­uðum sam­legð­ar­á­hrifum við starf­semi Eim­skips er gert ráð fyrir að EBITDA hlut­fall fyr­ir­tæk­is­ins verði á bil­inu 8-9%,“ segir í til­kynn­ing­unni.

Tólf starfs­menn starfa hjá Jac. Meisner og mun Dick Weijgertze fram­kvæmda­stjóri starfa áfram sem sem fram­kvæmda­stjóri fyr­ir­tæk­is­ins.

„Flutn­ings­miðl­un­ar­geir­inn krefst bland­aðra lausna þar sem nýjar flutn­inga­lausnir byggja á fag­legri reynslu starfs­manna. Með því að sam­ein­ast alþjóð­legu flutn­ings­miðl­un­ar­neti Eim­skips getum við boðið upp á nýjar flutn­inga­lausnir til að tryggja áfram­hald­andi sterka stöðu Jac. Meisner í Rott­er­dam með öfl­ugum teng­ingum fyr­ir­tæk­is­ins í Hollandi og öðrum stöðum innan Evr­ópu,“ seg­ir D­ick Weijgertze í til­kynn­ingu.

Gylfi Sig­fús­son, fram­kvæmda­stjóri Eim­skip, seg­ist ánægður með við­skiptin og segir þau styrkja þjón­ustu félags­ins við við­skipta­vin­i. „Ég er ánægður með að Jac. Meisner verði nú hluti af Eim­skip og hlakka til að vinna með starfs­mönnum fyr­ir­tæk­is­ins. Kaupin munu styrkja þjón­ustu við við­skipta­vini Eim­skips og við­skipta­vinir Jac. Meisner munu einnig njóta góðs af alþjóð­legu flutn­inga­neti Eim­skips. Kaupin eru liður í stefnu Eim­skips um ytri vöxt og munu styrkja enn frekar alþjóð­lega frysti­flutn­ings­miðlun félags­ins.“