Sam­kvæmt útreikn­ingum grein­ing­ar­deildar Arion banka hefur fram­leiðni á hvern starfs­mann í flestum atvinnu­grein­um ­ferða­þjón­ust­unn­ar hér á landi dreg­ist saman á síð­ustu árum, og það á sama tíma og spreng­ing hefur orðið í komum erlendra ferða­manna til Íslands. Svo mikil er spreng­ingin að mörgum þykir meira að segja nóg um.

Þrátt fyrir að fjölgun ferða­manna umfram fjölgun starfa bendi til auk­innar fram­leiðni, er raunin oft­ast hið gagn­stæða, að mati grein­ing­ar­deild­ar­inn­ar. Sér­fræð­ingar Arion banka eru helst á því að of mikil sam­keppni í ferða­þjón­ust­unni standi fram­leiðni grein­ar­innar fyrir þrifum og aðilar í ferða­þjón­ust­unni séu ekki að nýta sér stærð­ar­hag­ræði með fjölgun ferða­manna.

Með öðrum orðum þá eru of margir að berj­ast um bit­ana. Það líður varla sú vika þar sem ekki heyr­ast fréttir af áformum um frek­ari hót­el­upp­bygg­ingu, og þá fjölgar ferða­þjón­ustu­fyr­ir­tækj­unum nán­ast dag frá degi. Allir vilja fá sinn skerf af túrista­kök­unni.

Margir hafa líkt ástand­inu sem ríkir um þessar mund­ir í ferða­þjón­ust­unni við vilta vestrið, þar sem lítið fór fyrir lögum og regl­um. Hvort sú lýs­ing sé raunsæ skal ósagt lát­ið, hins vegar er í gangi mikið gull­graf­ara­æði í grein­inni sem virð­ist vera að bíta okkur í rass­inn.