Erf­ingjar Stein­gríms Her­manns­son­ar, fyrr­ver­andi for­manns Fram­sókn­ar­flokks­ins og for­sæt­is­ráð­herra, það er eft­ir­lif­andi eig­in­kona hans og sex börn Stein­gríms, voru dæmd í Hér­aðs­dómi Reykja­víkur í dag til að greiða náms­lán eins sona Stein­gríms frá fyrra hjóna­bandi. Á meðal hinna dæmdu er Guð­mundur Stein­gríms­son, for­maður Bjartrar fram­tíð­ar.

Stein­grímur var ábyrgð­ar­maður fyrir náms­lánum sem sonur hans tók hjá LÍN á árunum 1983 til 1987, en sonur hans er yngsta barn Stein­gríms af þremur sem hann eign­að­ist með þáver­andi konu sinni í Banda­ríkj­un­um. Krafa Lín vegna náms­láns­ins. hljóð­aði upp á tólf millj­ónir króna.

Stein­grímur lést í febr­úar árið 2010, en mán­uði síðar lenti sonur hans í van­skilum með afborg­anir af lán­inu. Erf­ingjar Stein­gríms fengu hins vegar ekki vit­neskju um að það væri komið í van­skil og hefði verið gjald­fellt í kjöl­farið fyrr en tæpum þremur árum síð­ar.

Erf­ingjar Stein­gríms vildu að málið yrði látið niður falla þar sem LÍN hefði sýnt af sér stór­brotna van­rækslu með því að til­kynna þeim ekki um stöðu lán­anna, né að þau hefðu verið gjald­felld. Á það féllst Hér­aðs­dómur ekki.

Í dómi Hér­aðs­dóms eru erf­ingjar Stein­gríms Her­manns­sonar dæmdir til að greiða Lána­sjóði íslenskra náms­manna rúmar tólf millj­ónir króna. Sonur Stein­gríms sem fékk náms­lánið greiðir auk þess drátt­ar­vexti af lán­inu síðan 2001, aðrir greiða drátt­ar­vexti frá 10. des­em­ber síð­ast­liðn­um.

Í sam­tali við RÚV segir Guð­mundur Stein­gríms­son að hann eigi ekki von á öðru en að dómnum verði áfrýjað til Hæsta­rétt­ar.