Greiðslu­korta­velta Íslend­inga var 2,2 pró­sentum meiri  í des­em­ber 2014 en í sama mán­uði árið áður. Eftir að hafa dreg­ist saman á þriðja árs­fjórð­ungi síð­asta árs tók korta­velta stökk upp á við á fjórða árs­fjórð­ungi. Í verslun jókst hún til að mynda um 3,9 pró­sent á milli ára og alls jókst korta­velta um 3,3 pró­sent á árinu 2014. Þar var var velta í verslun inn­an­lands 1,7 pró­sent hærri í fyrra en árið 2013 á föstu verð­lagi. Þetta kemur fram í nýrri Hag­sjá Lands­bank­ans.

Í frétt um Hag­sjánna á heima­síðu Lands­bank­ans seg­ir: „Korta­velta í verslun er góð vís­bend­ing um þróun einka­neysl­unn­ar. Aukn­ing var í vexti einka­neyslu fyrstu tvo fjórð­unga árs­ins 2014 en mjög dró úr hraða aukn­ing­ar­innar á þriðja fjórð­ungi í sam­ræmi við tölur um korta­veltu. Á fjórða fjórð­ungi var aftur mikil aukn­ing í korta­velt­unni. Þessi aukn­ing gefur til kynna að einka­neyslan hafi tekið við sér á fjórða fjórð­ung­i".

Í sam­tali við Frétta­blaðið segir Dan­íel Svav­ars­son, for­stöðu­maður hag­fræði­deildar Lands­bank­ans,að hann telji tölur um korta­veltu benda til þess að Hag­stofan hafi van­á­ætlað einka­neyslu og þar af leið­andi hag­vöxt, en nýj­ustu tölur hennar bentu til þess að hag­vöxtur á árinu 2014 væri nán­ast eng­inn. „Okkur sýn­ist að vís­bend­ing­ar, bæði varð­andi korta­veltu og inn­flutn­ing á neyslu­vörum, bendi til að vöxtur einka­neyslu hafi verið meiri en fyrstu bráða­birgða­tölur Hag­stof­unnar bentu til," segir Dan­íel við Frétta­blað­ið.