Félag atvinnu­rek­enda (FA) hefur sent atvinnu­vega­ráðu­neyt­inu bréf þar sem krafa félags­ins frá því í síð­ustu viku er ítrek­uð, um að ráðu­neytið end­ur­greiði inn­flytj­endum búvöru útboðs­gjald vegna toll­kvóta, sem Hér­aðs­dómur Reykja­víkur hefur dæmd ólög­mætt og í and­stöðu við stjórn­ar­skrá. Í bréf­inu er ráðu­neytið sakað um að valda neyt­endum tjóni með því að bregð­ast ekki við í mál­inu.

Þetta kemur fram í frétt inn á vef­síðu FA.

Félagið sendi ráðu­neyt­inu bréf þessa efnis þann 23. mars síð­ast­lið­inn, sem ráðu­neytið hefur í engu brugð­ist við, að því er fram kemur í bréf­inu sem félagið sendi ráðu­neyt­inu í dag.

Í ítrek­un­ar­bréfi FA til atvinnu­vega­ráðu­neyt­is­ins seg­ir: „Alls er um hund­raða millj­óna króna hags­muni að ræða fyrir íslenzk heim­ili. Eins og fram kom í fyrra bréfi FA munu allar tafir á end­ur­greiðslu óhjá­kvæmi­lega valda neyt­endum frekara fjár­hags­legu tjóni. Það væru ekki úr vegi að ráðu­neytið skýrði að minnsta kosti fyrir neyt­endum hvort og þá hvers vegna það hygg­ist af ein­dregnum ásten­ingi stuðla að slíku tjóni með því aðhaf­ast ekk­ert í mál­in­u.“

Að lokum ítrekar FA afstöðu sína að atvinnu­vega­ráðu­neyt­inu beri að end­ur­greiða inn­flutn­ings­fyr­ir­tækjum öll þau útboðs­gjöld sem þau hafa greitt fyrir ónýttar inn­flutn­ings­heim­ild­ir. „Jafn­framt er ítrekuð sú krafa að þessi end­ur­greiðsla fari taf­ar­laust fram til að lág­marka tjón neyt­enda.“