Fjár­eignir fyr­ir­tækja ann­arra en fjár­mála­fyr­ir­tækja juk­ust um þrettán pró­sent að nafn­virði á milli ára og stóðu í 4.390 millj­örðum króna í árs­lok 2013 sam­kvæmt nýupp­færðum tölum Hag­stofu Íslands. Á sama tíma lækk­uðu fjár­skuld­bind­ingar þeirra um sjö pró­sent og námu sjö þús­und millj­örðum króna. Þetta kemur fram í frétta­til­kynn­ingu Hag­stofu Íslands.

Hreinar fjár­eignir fyr­ir­tækja ann­arra en fjár­mála­fyr­ir­tækja voru nei­kvæðar um 2.625 millj­arða króna, eða 140% af vergri lands­fram­leiðslu í lok árs 2013.

„Hreinar fjár­eignir fjár­mála­fyr­ir­tækja voru nei­kvæðar um 6.449 millj­arða króna í árs­lok 2013 séu fjár­mála­fyr­ir­tæki í slita­með­ferð með­tal­in. Hreinar fjár­eignir fjár­mála­fyr­ir­tækja í slita­með­ferð voru nei­kvæðar um 6.485 millj­arða króna á sama tíma. Sé litið fram­hjá fjár­mála­fyr­ir­tækjum í slita­með­ferð voru hreinar fjár­eignir fjár­mála­fyr­ir­tækja jákvæðar um 36 millj­arða króna árið 2013. Hreinar fjár­eignir hins opin­bera og und­ir­geira þess voru nei­kvæðar um 973 millj­arða króna í árs­lok 2013 og höfðu skuldir umfram eignir auk­ist um 2,1% frá fyrra ári,“ segir til­kynn­ingu Hag­stofu Íslands.

Hreinar fjár­eignir heim­ila og félaga­sam­taka juk­ust um 7,9% milli ára og voru 2.487 millj­arðar króna í árs­lok 2013 sem jafn­gildir 132,2% af vergri lands­fram­leiðslu. Fjár­eignir þeirra námu 4.232 millj­örðum króna í árs­lok 2013, en stærstu fjár­eignir heim­ila eru líf­eyr­is­rétt­indi. Virði hluta­bréfa­eignar heim­ila og félaga­sam­taka dróst saman um 20,5% á milli áranna 2012 og 2013 og nam 190 millj­örðum króna í árs­lok 2013. Fjár­skuld­bind­ingar heim­ila og félaga­sam­taka voru 1.745 millj­arðar króna á sama tíma.

Heild­ar­fjár­eignir inn­lendra efna­hags­geira námu 24.122 millj­örðum króna í árs­lok 2013 en fjár­skuld­bind­ingar voru 31.682 millj­arðar króna á sama tíma. Fjár­eignir erlendra aðila á Íslandi námu 12.941 millj­örðum króna en fjár­skuld­bind­ingar við inn­lenda aðila voru 5.372 millj­arðar króna í árs­lok 2013. Hreinar fjár­eignir erlendra aðila á Íslandi voru í árs­lok 2013 7.569 millj­arðar króna og höfðu rýrnað um 8,2% frá fyrra ári.

Hag­stofa Íslands gefur nú út end­ur­skoð­aða fjár­mála­reikn­inga fyrir Ísland. Gögnin ná til stofn­stærða fjár­eigna og fjár­skuld­bind­inga allra efna­hags­geira íslenska hag­kerf­is­ins og eru flokkuð eftir þátt­tak­endum á fjár­mála­mark­aði (efna­hags­geirum) og fjár­mála­gern­ingum sam­kvæmt alþjóð­legum þjóð­hags­reikn­inga­stöðlum sem auð­veldar sam­an­burð á milli landa. Tímarað­irnar ná yfir árin 2003–2013.