Fjórir fánar standa eftir sem mögulegur nýr fáni Nýja-Sjálands. Þrír þeirra eru með burkna, sem er tákn helstu landsliða landsins í íþróttum auk þess sem hann er að finna á í skjaldamerki, á myntum og í merkjum herdeilda Nýja-Sjálands.
Almenningur í Nýja-Sjálandi mun geta kosið á milli fánanna fjögurra í póstkosningu síðar á þessu ári. Þar verður einnig boðið upp á þann möguleika að halda í núverandi fána.
40 tillögur upphaflega valdar
Fáni Nýja-Sjálands er 113 ára gamall nýlendufáni. Töluverð óánægja hefur verið með fánann meðal landsmanna, enda þykir hann til merkis um liðna tíma. Því ákvað Nýsjálenska þingið að efna til samkeppni um nýjan fána.
Núverandi fáni Nýja-Sjálands.
Sérstök fánanefnd nýsjálenska þingsins birti svo þann 10. ágúst 40 tillögur af hönnun nýs fána. Allar tillögurnar nema ein höfðu það sameiginlegt að breski fáninn, Union Jack, var ekki lengur ráðandi tákn. Tákn breska heimsveldisins er horfið en stjörnurnar fjórar virðast enn vinsælar meðal hönnuða. Þær tákna Suðurkrossinn, ráðandi stjörnumerki á himni suðurhvels jarðar.
Tillögurnar 40 voru valdar úr meira en 10.000 tillögum frá almenningi. John Borrows, yfirmaður verkefnisins, hefur sagt að hugsanlegur nýr fáni þurfi óaðyggjandi að vera frá Nýja Sjálandi, undirstrika þjóðina sem framsækna og samstæða þjóð í tenglsum við náttúruna. Fáninn þurfi einnig að hafa rætur í fortíðinni og vera tákn framtíðar.
Fáninn er of líkur þeim ástralska
John Key, forsætisráðherra Nýja Sjálands, hefur lengi þrýst á það að þjóðin velji sér nýjan fána. Hann vill að silfraður burkni prýði fánann, eins og meirihluti þjóðarinnar. Í skoðanakönnunum eru Nýsjálendingar hins vegar alls ekki á því að það þurfi að skipta út fánanum. Í skoðannakönnun sem New Zealand Herald gerði í apríl sögðust 70 prósent vera á móti fánabreytingunni.
Fánabreytingin er hins vegar ekki ný hugmynd. Hún hefur verið til umræðu síðan á áttunda áratug síðustu aldar. Helstu rök þeirra sem vilja breyta um fána eru að flaggið sé einflaldega of líkt ástralska fánanum. Nýsjálenskir ráðamenn hafa, til dæmis, oft þurft að sitja undir þjófána Ástralíu í opinberum heimsóknum til annarra landa.
Þá þykir það grafa undan sjálfstæði þjóðarinnar að breski fáninn skuli enn prýða þjóðfána Nýja Sjálands. Það var venjan að nýlendur bresku krúnunnar bæru sambandsfána Bretlands. Núgildandi þjóðfáni Nýja Sjálands er til dæmis síðan 1902 en þjóðin hlaut sjálfstæði í desember 1947.
Svo er það skortur á táknum frumbyggja Nýja Sjálands í fánanum. Ensk arfleið þjóðarinnar er öllu yfirsterkari í þjóðfánanum en engu púðri eytt í aðrar þjóðir landsins. Hugmyndir um að bæta við táknum Māori-þjóðarinnar í fánann voru fyrst settar fram í seinni heimstyrjöldinni. Nýja Sjáland er fjölþjóðlegt samfélag og helsta tákn landsins ætti að viðurkenna það. Í manntali árið 1961 var sýnt fram á að 92 prósent þjóðarinnar hefðu evrópska arfleifð. Árið 2013 var hlutfallið orðið 74 prósent.
