Flokkur fólksins átti 93 milljónir til ráðstöfunar um síðustu áramót

Auglýsinga- og kynningarkostnaður Flokks flokksins tæplega fimmfaldaðist í fyrra. Um 98 prósent tekna hans á síðasta ári kom úr ríkissjóði eða frá Alþingi. Framlög til stjórnmálaflokka úr ríkissjóði voru stóraukin á síðasta kjörtímabili.

Inga Sæland, formaður Flokks fólksins
Inga Sæland, formaður Flokks fólksins
Auglýsing

Tekjur Flokks fólks­ins voru 62,2 millj­ónir króna á árinu 2020. Alls komu 98 pró­sent þeirra til vegna fram­laga frá rík­is­sjóði og Alþingi. Um 1,1 milljón króna var fram­lag frá Reykja­vík­ur­borg, þar sem flokk­ur­inn á borg­ar­full­trúa, og 87 þús­und krónur skil­uðu sér í formi félags­gjalda. Það er um 30 pró­sent þeirrar upp­hæðar sem félags­gjöld skil­uðu árið 2019. 

Kostn­aður Flokks fólks­ins jókst umtals­vert á síð­asta ári, eða um rúm­lega 50 pró­sent. Þar skipti mestu að launa­kostn­aður jókst um 65 pró­sent og var 17 millj­ónir króna, og að aug­lýs­inga- og kynn­ing­ar­kostn­aður fór úr 1,7 milljón króna í 8,1 milljón króna. Hann tæp­lega fimm­fald­að­ist.  Alls var fjöldi árs­verka hjá flokknum 1,6 á síð­asta ári. 

Þetta kemur fram í nýbirtum árs­­reikn­ingi Flokks fólks­ins sem skilað var inn til Rík­­is­end­­ur­­skoð­unar fyrir skemmstu. Flokk­ur­inn var minnstur stjórn­mála­flokka á þingi á síð­asta kjör­tíma­bili. Eftir að tveir þing­menn hans voru reknir úr flokknum í lok árs 2018 voru tveir í þing­flokkn­um. Flokkur fólks­ins styrkti hins vegar stöðu sína í síð­ustu kosn­ing­um, fékk 8,8 pró­sent atkvæða og sex menn kjörna. Því munu fram­lög til flokks­ins aukast á þessu kjör­tíma­bil­i enda segir atkvæða­magnið til um hversu háa fjár­hæð flokkar fá úthlutað úr rík­is­sjóði.

Hagn­aður alls 99 millj­ónir króna á þremur árum

Hagn­aður Flokks fólks­ins var 29,4 millj­ónir króna á síð­asta ári sem þýðir að tæp­lega helm­ingur af tekjum hans end­aði sem hagn­að­ur. Ein­ungis þurfti að nota 53 pró­sent af fram­lögum hins opin­berra til flokks­ins til að standa undir rekstri hans. 

Auglýsing
Þetta er þó minni hagn­aður en var á árinu 2019 þegar flokk­ur­inn hagn­að­ist um 43 millj­ónir króna. Á því ári var hagn­að­ur­inn 68 pró­sent af tekj­um. Árið 2018 var hagn­aður flokks­ins tæp­lega 27 millj­ónir króna, sem var rétt rúm­lega helm­ingur af öllum tekjum hans. 

Á þeim þremur árum síð­asta kjör­tíma­bils sem árs­reikn­ingar Flokks fólks­ins liggja fyrir hagn­að­ist flokk­ur­inn því sam­tals um 99 millj­ónir króna. 

Óráð­stafað eigið fé Flokks fólks­ins um síð­ustu ára­mót var 93,4 millj­ónir króna. Það var 21,8 millj­ónir króna í lok árs 2018. Félagið á engar aðrar eignir en það fé og skuld­aði nán­ast ekk­ert, eða 1,2 millj­ónir króna í skamm­tíma­skuld­ir. Eigið féð var því 93,4 millj­ónir króna í lok árs 2020. 

Fram­lög til flokka úr rík­­is­­sjóði hækkuð gríð­­ar­­lega

Fram­lög til stjórn­mála­flokka úr rík­is­sjóði voru hækkuð veru­lega í byrjun síð­asta kjör­tíma­bils. Til­­­laga sex flokka sem sæti eiga á Alþingi um að hækka fram­lag rík­­­­­­is­ins til stjórn­­­­­­­­­­­mála­­­­­­flokka á árinu 2018 um 127 pró­­­­­­sent var sam­­­­­­þykkt í fjár­­­­­­lögum sem voru afgreidd áður en þingi var slitið í lok des­em­ber 2017. Fram­lög til stjórn­­­­­­­­­­­mála­­­­­­flokka á því ári áttu að vera 286 millj­­­­­­ónir króna en urðu 648 millj­­­­­­ónir króna. 

Kjarn­inn greindi frá því í síð­ustu viku að þeir níu stjórn­­­mála­­flokkar sem fengu nægj­an­­legt fylgi í síð­­­ustu þing­­kosn­­ingum til að fá úthlutað fjár­­munum úr rík­­is­­sjóði fá sam­tals 728,2 millj­­ónir króna til að skipta á milli sín á næsta ári. 

Um er að ræða þá átta flokka sem eiga full­­trúa á þingi auk Sós­í­a­lista­­flokks Íslands sem hlaut nægj­an­­legt fylgi í síð­­­ustu kosn­­ingum til að hljóta fram­lag.

Það er sama upp­­hæð og flokk­­arnir fengu sam­tals í fyrra og sama upp­­hæð og þeir fengu í ár. Raunar gera áætl­­­anir stjórn­­­valda ráð fyrir því að hún hald­ist óbreytt út árið 2024. Haldi það munu stjórn­­­mála­­flokkar lands­ins alls hafa fengið 3.641 millj­­ónir króna úr rík­­is­­sjóði á fimm ára tíma­bil­i. 

Til við­­bótar við þær greiðslur er kostn­aður vegna starfs­­manna þing­­flokka greiddur af Alþingi.

Árs­­reikn­ingar nú birtir í heild

Full­­­­trúar allra flokka á Alþingi, þar á meðal sex for­­­­­menn stjórn­­­­­­­­­mála­­­­­flokka, lögðu svo sam­eig­in­­­­­lega fram frum­varp til að breyta lögum um fjár­­­­­­­­­mál stjórn­­­­­­­­­mála­­­­­flokka og fram­­­­­bjóð­enda í lok árs 2018. Það var afgreitt sem lög fyrir þing­­­­­lok þess árs.

Á meðal breyt­inga sem það stuð­l­aði að var að leyfa stjórn­­­­­­­­­mála­­­­­flokkum að taka á móti hærri fram­lögum frá fyr­ir­tækjum og ein­stak­l­ing­­­­­um. Hámarks­­­­­fram­lag var 400 þús­und krónur en var breytt í 550 þús­und krón­­­­­ur.

Auk þess var sú fjár­­­­­hæð sem ein­stak­l­ingur þarf að gefa til að vera nafn­­­­­greindur í árs­­­­­reikn­ingum við­kom­andi flokka eða fram­­­­­bjóð­enda sé hækkuð úr 200 þús­und krónum í 300 þús­und krón­­­­­ur.

Þá var ákveðið að láta stjórn­­­­­mála­­­flokk­anna skila árs­­­reikn­ingum sínum til rík­­­is­end­­­ur­­­skoð­anda fyrir 1. nóv­­­em­ber ár hvert í stað 1. októ­ber líkt og áður var. Sú grund­vall­­­ar­breyt­ing fylgdi með að Rík­­­is­end­­­ur­­­skoðun hætti að birta tak­­­mark­aðar upp­­­lýs­ingar úr reikn­ingum flokk­anna, svo­­­kall­aðan útdrátt, og átti þess í stað að birta árs­­­reikn­ing­anna í heild sinni árit­aða af end­­­ur­­­skoð­end­­­um.

Þrátt fyrir að lögin hafi tekið gildi í byrjun árs 2019 þurftu flokk­­arnir þó ekki að sæta því að árs­­reikn­ingar þeirra væru birtir í heild á árinu 2019. Þeirri fram­­kvæmd var frestað fram á haustið 2020. Því eru árs­reikn­ing­arnir nú að birt­ast í annað sinn í heild sinni.

Sem stendur hefur Rík­is­end­ur­skoðun ekki birt árs­reikn­inga eins flokks, Pírata, vegna síð­asta árs. Kjarn­inn mun fjalla um árs­reikn­inga allra þeirra flokka sem skilað hafa árs­reikn­ingi á næstu dög­um.

Við þurfum á þínu framlagi að halda

Þú getur tekið beinan þátt í að halda úti öflugum fjölmiðli.

Við sem vinnum á ritstjórn Kjarnans viljum hvetja þig til að vera með okkur í liði og leggja okkar góða fjölmiðli til mánaðarlegt framlag svo við getum haldið áfram að vinna fyrir lesendur, fyrir fólkið í landinu.

Kjarninn varð níu ára í sumar. Þegar hann hóf að taka við frjálsum framlögum þá varð slagorðið „Frjáls fjölmiðill fyrir andvirði kaffibolla“ til og lesendur voru hvattir til að leggja fram í það minnsta upphæð eins kaffibolla á mánuði.

Mikið vatn hefur runnið til sjávar á þeim níu árum sem Kjarninn hefur lifað. Í huga okkar á Kjarnanum hefur þörfin fyrir fjölmiðla sem veita raunverulegt aðhald og taka hlutverk sitt alvarlega aukist til muna.

Við trúum því að Kjarninn skipti máli fyrir samfélagið.

Við trúum því að sjálfstæð og vönduð blaðamennska skipti máli.

Ef þú trúir því sama þá endilega hugsaðu hvort Kjarninn er ekki allavega nokkurra kaffibolla virði á mánuði.

Vertu með okkur í liði. Þitt framlag skiptir máli.

Ritstjórn Kjarnans: Sunna Ósk Logadóttir, Þórður Snær Júlíusson, Erla María Markúsdóttir, Arnar Þór Ingólfsson, Eyrún Magnúsdóttir og Grétar Þór Sigurðsson.


Já takk, ég vil styrkja Kjarnann!
Eyþór Arnalds var oddviti Sjálfstæðisflokksins í Reykjavík.
Félag Eyþórs hagnaðist um 388,4 milljónir vegna afskriftar á láni frá Samherja
Eigið fé félags Eyþórs Arnalds fór úr því að vera neikvætt um 305 milljónir í að vera jákvætt um 83,9 milljónir í fyrra. Félag í eigu Samherja afskrifaði seljendalán sem veitt var vegna kaupa í útgáfufélagi Morgunblaðsins.
Kjarninn 4. október 2022
Neyðarúrræði en ekki neyðarástand
Fjöldahjálparstöð fyrir umsækjendur um alþjóðlega vernd hefur verið opnuð í skrifstofuhúsnæði í Borgartúni þar sem Vegagerðin var áður til húsa. Hægt verður að taka á móti 150 manns að hámarki og miðað er við að fólk dvelji ekki lengur en þrjár nætur.
Kjarninn 4. október 2022
Örn Bárður Jónsson
Um skjálífi og skjána
Kjarninn 4. október 2022
Þrjú félög voru skráð á markað í sumar. Þeirra stærst er Alvotech, sem var skráð á First North markaðinn í júní. Hér sést Róbert Wessman, stofnandi og stjórnarformaður félagsins, hringja inn fyrstu viðskipti með bréfin.
Virði skráðra félaga í Kauphöllinni lækkað um 254 milljarða króna á tveimur mánuðum
Það sem af er ári hefur Úrvalsvísitala Kauphallarinnar lækkað um 28,3 prósent. Hún hækkaði um rúmlega 20 prósent árið 2020 og 33 prósent í fyrra. Leiðrétting er að eiga sér stað á virði skráðra félaga.
Kjarninn 4. október 2022
Steingrímur J. Sigfússon
Einu sinni var Póstur og Sími
Kjarninn 4. október 2022
Svandís Svavarsdóttir er matvælaráðherra og fer með málefni sjávarútvegs.
Svandís boðar frumvarp um tengda aðila í sjávarútvegi á næsta ári
Samkvæmt lögum mega tengdir aðilar í sjávarútvegi ekki halda á meira en tólf prósent af úthlutuðum kvóta á hverjum tíma. Skiptar skoðanir eru um hvort mikil samþjöppun í sjávarútvegi sé í samræmi við þetta þak.
Kjarninn 4. október 2022
Ein orðan sem Plaun skartaði, en hún reyndist eftirlíking.
Tvöfaldur í roðinu
Hugo Plaun hefur lengi verið ein helsta stríðshetja Dana, og var vel skreyttur hermaður sem hitti fyrirmenni og sagði ótrúlegar sögur sínar víða. Fyrir nokkrum árum kom í ljós að Plaun laug öllu saman.
Kjarninn 4. október 2022
Eitt og annað ... einkum danskt
Eitt og annað ... einkum danskt
Tvöfaldur í roðinu
Kjarninn 4. október 2022
Meira úr sama flokki