Í færslu sinni á Face­book í gær, gagn­rýndi rit­höf­und­ur­inn Einar Kára­son fram komið þing­manna­frum­varp sem kveður á um að skipu­lags­vald yfir Reykja­vík­ur­flug­velli fær­ist frá borg­inni yfir til Alþing­is.

Færsla Ein­ars vakti upp hörð við­brögð á Face­book, en margir virð­ast hafa túlkað orð hans sem svo að hann væri að kalla alla íbúa lands­byggð­ar­innar hyski. Aðspurður um ummæli sín svar­aði Einar á Face­book: "Það er "hyski af lands­byggð­inni" sem heimtar að fá að stjórna skipu­lags­málum í Reykja­vík. Annað fólk á lands­byggð­inni er síður en svo hyski, nema í jákvæðri merk­ing­u."

Á meðal þeirra sem hafa komið Ein­ari til varnar er Stefán Jón Haf­stein, fyrr­ver­andi borg­ar­full­trúi. "Einar Kára­son er stór­vinur minn og best að taka það fram strax því nú fara heimsk­ingjar að honum með vopnum (já ég sagði heimsk­ingjar). Arfa­vit­laus til­laga er komin fram á Alþingi um að svipta Reyk­vík­inga for­ræði í skipu­lags­málum um Vatns­mýr­ina, rétt eins og ein­verjum dytti í hug að leyfa mér að segja til um hafn­ar­vit­ann á Horna­firði eða Drottn­ing­ar­braut­ina (!) á Akur­eyri. [...] Hér er nátt­úru­lega ekk­ert full­yrt um það að á lands­byggð­inn búi ekk­ert nema ,,hyski”. En sterk­lega gefið í skyn, sem dæmi sanna, að þar megi finna miður óráð­vanda menn og kon­ur."

Til marks um bálið sem Einar kveikti með ummælum sín­um, birtir hann skila­boð frá Krist­jáni Jóns­syni Krist­jáns­syni Sjón­ar­hóli á Face­book síð­unni sinni: "Svona skrifa og hugsa Reykja­vík­ur­komma­titt­irnir sem kenna sig við listir og þríf­ast á spena skatt­greið­anda; að stórum hluta af lands­byggð­inni. Ég á allar hans bækur og þær fyrstu eru fyritaks einnota afþrey­ing en stað­reyndin er að í rúman ára­tug hefur ekk­ert mark­vert komið frá hon­um. Hættu þessu mið­borg­ar­kaffi­hús­arápi Einar Kára­son - fáðu þér vinnu, helst á Langa­nes­i,og rífðu svo kjaft!"

Blóts­yrði og bóka­brennur

"Nú er ég búinn að fá rúm­lega fimm­hund­ruð hat­urskomment í dag. Sem var auð­vitað mark­mið­ið. En tveir-­þriðju af þeim ræflum sem þau skrif­uðu voru ekki menn til að skrifa undir nafni. Sem er aum­ingja­legt. En takk fyrir mig, ég elska hvern lófa­stóran blett á Íslandi, og allt fólkið sem þar býr," skrif­aði Einar á Face­book síðu sína í gær­kvöldi. Skömmu áður hafði hann birt neð­an­greind skila­boð frá ónafn­greindum ein­stak­lingi.

Í nýj­ustu færslu sinni á Face­book deilir Einar færslu frá Ást­hildi Sturlu­dótt­ur, bæj­ar­stjóra Vest­ur­byggð­ar, þar sem hún skrifar "Óvinafagn­að­ur­ Lands­byggð­ar­inn­ar!!!!" En eins og kunn­ugt er skrif­aði Einar bók­ina Óvinafagn­aður sem kom út árið 2001.