Samn­inga­nefndir Alþýðu­sam­bands Íslands og Sam­taka atvinnu­lífs­ins munu hitt­ast á fundi fimmtu­dag­inn 30. sept­em­ber, til þess að ræða um fram­hald lífs­kjara­samn­ings­ins. For­sendu­nefnd ASÍ og SA telur for­sendur samn­ings­ins brostnar er kemur að þeim málum sem stjórn­völd hétu að beita sér fyrir er samn­ing­arnir voru und­ir­rit­að­ur.

Ragnar Þór Ing­ólfs­son for­maður VR segir við Kjarn­ann að hann hafi verið á fundi með samn­inga­nefnd ASÍ í dag, þar sem þessi nið­ur­staða hafi verið form­lega til­kynnt.

Hann segir að rík­is­stjórnin fari nú með það vega­nesti inn í kosn­ingar að mögu­lega séu samn­ingar á almennum vinnu­mark­aði í upp­námi og segir það ekki stand­ast að ráð­herrar kenni hæga­gangi í þing­inu um að ákveðin mál hafi ekki verið kláruð.

„Verð­trygg­ing­ar­mál­in, því var bara haldið inni í fjár­mála­ráðu­neyt­inu mán­uðum sam­an,“ segir Ragnar Þór og nefnir að auki húsa­leigu­lög, starfs­kjara­lög og líf­eyr­is­mál.

Hann býst við því að brátt muni verða gerð ítar­legri grein fyrir því hvað ASÍ telur nákvæm­lega standa út af hvað efndir stjórn­valda varð­ar.

Flest aðild­ar­fé­lög ASÍ muni vilja verja samn­ing­inn

Spurður um fram­haldið segir Ragnar Þór að nú þurfi samn­inga­nefndir ASÍ og SA að hitt­ast til þess að fara yfir stöð­una og það verði gert 30. sept­em­ber, sem áður seg­ir, eða ein­ungis fimm dögum eftir að kosið verður til Alþing­is.

„Við munum að sjálf­sögðu reyna að verja samn­ing­ana og ég held að flest aðild­ar­fé­lög ASÍ muni verja samn­ing­inn eins og kostur er,“ segir for­maður VR.

Lífs­kjara­samn­ing­arnir eiga að vera í gildi á almennum vinnu­mark­aði þar til í októ­ber árið 2022, en Ragnar segir að þeir gætu losnað um næstu mán­að­ar­mót ef annar aðil­inn við samn­inga­borðið tekur ákvörðun um að segja þeim upp.

„Það er ekki drauma­staðan til að lenda í svona eftir COVID, að fá allt upp í loft á almennum vinnu­mark­að­i,“ segir Ragnar Þór.