Í und­ir­bún­ingi er að byggja um fimm þús­und íbúðir fyrir um 175 millj­arða króna í Garða­bæ. Þetta mun rúm­lega tvö­falda íbúa­fjölda sveita­fé­lags­ins úr um 14 þús­und nú í um 30 þús­und árið 2030. Þetta kemur fram í Morg­un­blað­inu í dag.

Í blað­inu er rætt við Gunnar Ein­ars­son, bæj­ar­stjóra í Garða­bæ, sem veltir því fyrir sér hvort eft­ir­spurn sé eftir öllum þessum íbúðum sem stefnt er að því að byggja.  „Nú er rosa­­lega mikið í píp­un­um og spurn­ing hvort eft­ir­­spurn sé eft­ir þessu öllu. Verk­tak­ar eru ekki að tala sam­­an. Þeir eru hver á sín­um báti. Það er eins með sveit­­ar­­fé­lög­in,“ seg­ir Gunn­­ar. Hann kallar eftir meiri sam­vinnu milli sveita­fé­laga.

Gunnar Ein­ars­son.

Stefnt er að upp­bygg­ingu á fimm svæð­um. Sam­kvæmt fyr­ir­liggj­andi áætl­unum á að byggja allt að 1.600 íbúða­ein­ingar í Urriða­holti (4-5.000 manns), 700 íbúða­ein­ingar í Hnoðra­holti (um 2.000 manns) auk þess sem einka­að­ilar hafa hug­myndir um að byggja allt að 630 íbúða­ein­ingar í Set­bergs­land­inu (um 2.000 manns). Ramma­skipu­lag var á sínum tíma gert fyrir um 8.000 manna byggð í Garð­ars­holti á Álfta­nesi en það er komið á byrj­un­ar­reit eftir sam­ein­ingu Álfta­ness við Garð­arbæ og að lokum eru áform um að þétta byggð á Álfta­nesi í Breiðu­mýri, Kirkju­brú og Sveinskoti með alls um 140 ein­ing­um.

Alls gætu um 17 þús­und manns búið á þessum fimm svæð­um.