Frétt þýska ­blaðs­ins Faz, um að rætt hafi verið við Grísk stjórn­völd um að koma á fjár­magns­höft­um, hefur vakið mikla athygli og valdið titr­ingi inn í samn­inga­við­ræðum Grikkja og Evr­ópu­sam­bands­ríkj­anna, um hvort 240 millj­arða evra efna­hags­á­ætlun lands­ins skuli fram­haldið eða það tekið upp og því breytt, eins og grísk stjórn­völd, með Syr­iza flokk­inn í broddi fylk­ing­ar, vilja.

Seðla­banki Evr­ópu hefur neitað því að þessar hug­myndir hafi verið ræddar við Grikkja, en fjöl­mið­ill­inn hefur staðið við frétt­ina og haldið áfram með frétta­flutn­ing sinn, sem þykir renna stoðum undir að þessar hug­myndir hafi í reynd verið rædd­ar. Mario Drag­hi, seðla­banka­stjóri, er sagður æfur vegna lek­ans, að því er segir í frétt blaðs­ins.

Í end­ur­sögn Business Insider af mál­inu kemur fram að gríska fjár­mála­kerfið sé sér­stak­lega við­kvæmt fyrir orðrómi um fjár­magns­höft, og hafi þegar skað­ast vegna hans. Spjótin hafa beinst að þýska seðla­bank­an­um, Bundese­bank, og valdið titr­ingi í valda­tafli innan Seðla­banka Evr­ópu, sem starfar eftir ítar­legum leið­ar­vísi um sam­starf við aðild­ar­ríki Evr­ópu­sam­bands­ins.

Fyr­ir­sögnin grein­ar­innar var; Seðla­banki Evr­ópu missir trúna á Grikk­landi. Þá er því haldið fram í grein­inni að nú sé vel mögu­legt, að Grikkir muni í reynd yfir­gefa evru­svæðið og séu fjár­magns­höftin til þess fallin að und­ir­búa landið fyrir slíkt.