Starfs­menn álvers Rio Tinto Alcan í Straums­vík hafa aflýst boð­uðu alls­herj­ar­verk­falli sem hefj­ast átti þann 1. sept­em­ber. Samn­inga­nefnd starfs­manna álvers­ins aflýstu verk­fall­inu því ítrekað hefur komið fram að álver­inu verði hugs­an­lega lok­að, komi til verk­falls­ins. Frá þessu var greint í hádeg­is­fréttum RÚV.

Gylfi Invars­son, tals­maður starfs­manna álvers­ins, segir í sam­tali við RÚV að þetta hafi verið gert vegna þess að starfs­menn séu í kjara­bar­áttu „til þess að bæta kjör starfs­manna en ekki til að loka fyr­ir­tæk­in­u“.

Enn fremur sagði hann samn­inga­nefnd­ina ekki vera að gef­ast upp. „Við viljum bara vera með það alfarið á hreinu að við ætlum að reka þessa kjara­bar­áttu á okkar for­sendum en ekki þeirra,“ er haft eftir Gylfa. Enn er í gildi yfir­vinnu­bann starfs­manna fyr­ir­tæk­is­ins í Straums­vík og verður það enn í gildi.

Rann­veig Rist, for­stjori Rio Tinto á Íslandi, sendi starfs­mönnum álvers­ins bréf á föstu­dag­inn þar sem rekstr­ar­erf­ið­leikum fyr­ir­tæk­is­ins var lýst og afstaða þess í kjara­við­ræðum við starfs­menn sett í sam­hengi við þá stöðu. ISAL, fyr­ir­tækið sem ann­ast rekst­ur, álvers­ins í Straums­vík hefur viljað breyta hluta af störfum starfs­manna úr föstum störfum í verk­töku. Um það hefur helst verið deilt.