Fjár­hags­vand­ræði Rík­is­út­varps­ins (RÚV) er nútíð­ar­vandi, ekki for­tíð­ar­vandi og stað­hæf­ingar núver­andi fram­kvæmd­ar­stjórnar fyr­ir­tæk­is­ins um annað eru rang­ar. Ef hag­ræð­ing­ar­að­gerðir Páls Magn­ús­son­ar, fyrrum útvarps­stjóra, sem lagt var af stað með í nóv­em­ber 2013 hefðu verið fram­kvæmdar til fulln­ustu hefði verið komið á jafn­vægi í rekstri RÚV á yfir­stand­andi rekstr­ar­ári og ekk­ert gjald­fall verið á skuld­um. Þetta segir Bjarni Krist­jáns­son, fyrrum fjár­mála­stjóri RÚV, í aðsendri grein í Morg­un­blað­inu í dag. Bjarni hætti störfum hjá RÚV í vor eftir um sjö ára starf hjá fyr­ir­tæk­inu.

Greiðslu­vandi RÚV hefur verið mikið í sviðs­ljós­inu eftir að fyr­ir­tækið gat ekki greitt af skulda­bréfi sem var á gjald­daga 1. októ­ber síð­ast­lið­inn. Í til­kynn­ingu sem RÚV sendi frá sér í kjöl­farið var eft­ir­far­andi haft eftir Magn­úsi Geir Þórð­ar­syni, útvarps­stjóra: „Það er ljóst að við erum ekki enn laus við þann for­tíð­ar­vanda sem RÚV hefur lengi glímt við. Sjálf­stæð fjár­hags­leg úttekt stað­festir að RÚV er of mikil og það eru von­brigði að sjá að rekstur RÚV var ekki kom­inn í jafn­vægi eftir nið­ur­skurð­ar­að­gerðir fyrri fram­kvæmda­stjórn­ar“.

Segir for­svars­menn RÚV koma sök á Pál

Í aðsendri grein í Morg­un­blað­inu í dag hafnar Bjarni Krist­jáns­son,­fyrrum fjár­mála­stjóri RÚV, því að um for­tíð­ar­vanda sé að ræða. Þar segir Bjarni: „Und­an­farnar vikur hafa for­svars­menn RÚV freistað þess að koma sök á fjár­hags­vanda RÚV á fyrr­ver­andi útvarps­stjóra, Pál Magn­ús­son. Umtals­verður tap­rekstur hafi verið hjá félag­inu árum saman og skuldir hrann­ast upp. Þá hafi síð­ustu hag­ræð­ingar Páls ekki dugað til. Þessar stað­hæf­ingar eru allar rang­ar.“

Hann rekur síðan helstu tölur úr rekstri RÚV und­an­farin ár og segir þær sýna að sá vandi sem RÚV standi frammi fyrir þessa dag­ana sé „því nútíð­ar­vandi en ekki for­tíð­ar­vand­i“. Bjarni segir Pál Magn­ús­son, fyrrum útvarps­stjóra og sam­starfs­mann hans til margra ára, hafa tek­ist á við enda­lausa nið­ur­skurði ár eftir ár en alltaf komið rekstr­inum strax í jafn­vægi. „Það er því eng­inn vafi að hefðu þær hag­ræð­ing­ar­að­gerð­ir, sem Páll skipu­lagði og var byrj­aður á í nóv­em­ber 2013 - og stjórnin með núver­andi útvarps­stjóra inn­an­borðs sam­þykkti - verið fram­kvæmdar til fulln­ustu hefði aftur verið komið á jafn­vægi í rekstri félags­ins á yfir­stand­andi rekstr­ar­ári - og ekk­ert gjald­fall orðið á skuld­um. Stjórnin og núver­andi útvarps­stjóri kusu hins vegar að fylgja fram­kvæmd­inni ekki eftir og efndu þar að auki til mik­illa útgjalda sem ekki voru á áætl­un. Veldur sá er á held­ur,“ segir Bjarni að lokum í grein sinni.