Gamalt handrit að Star Wars staðfestir að Han Solo skaut fyrst

han.solo_.greedo.jpg
Auglýsing

Gam­alt hand­rit að Stjörnu­stríðs­myndum George Lucas, sem kom nýlega í leit­irn­ar, svarar einni stærstu ósvör­uðu spurn­ingu þrí­leiks­ins; um hvor hafi átt að skjóta fyrst, Han Solo eða Greedo. Frétta­mið­ill­inn TIME greinir frá þessu áhuga­verða máli.

Í fyrstu Stjörnu­stríðs­mynd­inni, Star Wars Epis­ode IV: A New Hope, sem frum­sýnd var árið 1977, var smygl­ar­inn Han Solo, í túlkun Harri­son Ford, nýbú­inn að gera samn­ing við Loga Geim­gengil og Obi-Wan Ken­obi í bænum alræmda Mos Eisley á Tatooine, heima­plánetu Loga, um að flytja þá, ásamt C3PO og R2D2, á Fálk­anum til plánet­unnar Ald­era­an, þegar hausa­veið­ar­inn Greedo verður á vegi hans. Greedo var þar í erinda­gjörðum á vegum Jabba the Hutt, glæpa­manns sem átti ýmis­legt sök­ótt við Solo eftir mis­heppn­aða smygl­ferð.

Í upp­runa­legu Star Wars mynd­inni, sem frum­sýnd var árið 1977, ræð­ast tví­menn­ing­arnir stutt­lega við í bás á bar í Mos Eisley eða þar til Han Solo skýtur hausa­veiðar­ann fyr­ir­vara­laust undir borð sem þeir sátu við.

Auglýsing

Þannig var sagan í tutt­ugu ár, eða allt þar til árið 1997 þegar George Lucas ákvað að gefa Star Wars mynd­irnar aftur út með staf­rænum breyt­ing­um, sem voru flestar ef ekki allar ekki til bóta. Á meðal þess sem Lucas breytti var áður­nefnt stefnu­mót Solo og Greedo, og í „upp­færðu“ útgáf­unni skýtur Greedo fyrst að Solo, áður en smygl­ar­inn fellir hausa­veiðar­ann. Með breyt­ing­unni var kaldrifj­uðum morð­ingja breytt í mann sem getur þakkað ótrú­legri óhittni alræmds hausa­veið­ara, af eins met­ers færi, líf sitt.

Umrædd breyt­ing var for­dæmd harð­lega á meðal aðdáa­enda Stjörnu­stríðs­mynd­anna, og þá ekki síst á meðal dyggra stuðn­ings­manna Han Solo. Sam­kvæmt fyrr­greindu hand­riti að upp­runa­lega þrí­leikn­um, sem fannst fyrir til­viljun í vís­inda­skáld­sagna­safni bóka­safns í Kanada nýver­ið, er öllum vafa um atvikið eytt. Han Solo var fyrri til að taka í gikk­inn. Lucas­film, sem á rétt­inn að Star Wars vöru­merk­inu, hefur sagt að um end­ur­gerð af gömlu hand­riti að fyrstu Stjörnu­stríðs­mynd­inni að ræða, sem aðdá­andi mynd­anna hafi trú­lega skrif­að.

Hand­rit­ið, sem kom nýlega fyrir sjónir almenn­ings, er merkt sem fjórða upp­kast og dag­sett 15. mars árið 1976. Þar heitir fyrsta Stjörnu­stríðs­mynd­in: Star Wars: Saga I, og Luke Skywal­ker (Logi Geim­geng­ill) heitir því skugga­lega nafni Luke Star­k­ill­er.

Margir aðdá­endur Stjörnu­stríðs­mynd­anna fagna því að nú hafi loks verið stað­fest að Han Solo skaut Greedo með köldu blóði, en frétt­irnar eru sömu­leiðis síst til þess fallnar að bæta laskað sam­band milli skap­ara mynd­anna og aðdá­enda þeirra.

Atriðið fræga og umdeilda, um aðdrag­anda og sam­skipti Han Solo og Greedo, má sjá hér að neð­an.

Formaður stjórnar: Illa vegið að mér og öðrum stjórnarmönnum
VR ákvað í kvöld að afturkalla umboð stjórnarmanna VR hjá Lífeyrissjóði verslunarmanna.
Kjarninn 20. júní 2019
Umboð stjórnarmanna VR í Lífeyrissjóði verslunarmanna afturkallað
Tillaga um nýja stjórnarmenn til bráðabirgða var einnig samþykkt.
Kjarninn 20. júní 2019
Arion banki eignast ferðaskrifstofufyrirtækið TravelCo
Arion banki hefur nú tekið yfir starfsemi TravelCo. Bankinn hyggst selja fyrirtækið eins hratt og kostur er.
Kjarninn 20. júní 2019
Yngvi Örn Kristinsson
Skattlagning lífeyrissparnaðar og skerðing ellilífeyris
Kjarninn 20. júní 2019
Guðjón Sigurðsson
Alþjóðlegi MND dagurinn 21. júní 2019
Kjarninn 20. júní 2019
Guðlaugur Þór Þórðarson, utanríkisráðherra
Íslensk stjórnvöld hafa ekki mótað afstöðu til Beltis og brautar
Kínverski sendiherrann á Íslandi segir íslensk stjórnvöld vera opin fyrir þátttöku í Belti og braut. Íslensk stjórnvöld hafa þó ekki mótað sér afstöðu til verkefnisins.
Kjarninn 20. júní 2019
Már Guðmundsson er seðlabankastjóri. Hann mun láta af því starfi í ágúst og nýr taka við.
Seðlabankinn og Fjármálaeftirlitið sameinast um næstu áramót
Breytingarnar lúta að sameiningu verkefna hjá einni stofnun. Sextán þingmenn greiddu ekki atkvæði eða voru fjarverandi við atkvæðagreiðsluna.
Kjarninn 20. júní 2019
Mótmæli
Aðför að grundvallarréttindum launafólks ógnar friði og stöðugleika
Í 72 prósent landa heims hefur verkafólk engan eða takmarkaðan aðgang að réttarkerfinu sé á því brotið.
Kjarninn 20. júní 2019
Meira úr sama flokkiErlent
None