Hinn 34 ára gamli Steven Gerr­ard, fyr­ir­liði enska úrvals­deild­ar­fé­lags­ins Liver­pool og einn dáð­asti íþrótta­maður Bret­landseyja, mun hætta að leika með lið­inu í lok tíma­bils­ins og halda á ný mið. Þetta stað­festi Liver­pool með yfir­lýs­ingu á vef­síðu sinni í morg­un, en áður hafði Tony Barrett, blaða­maður The Times, sagt fyrstu fréttir af þess­ari ákvörðun Gerr­ards. Banda­rísku félögin LA Galaxy og New York City eru sögð hafa áhuga á því að fá Gerr­ard til liðs við sig en end­an­leg ákvörðun um hvar Gerr­ard mun leika hefur ekki verið tek­in.

Steven Gerr­ard is set to ann­ounce that he will leave Liver­pool at the end of this sea­son. MLS is his most likely dest­ination.

— Tony Barrett (@TonyBarretTi­mes) Janu­ary 1, 2015

Gerr­ard segir í yfir­lýs­ingu á vef Liver­pool að hann sé þakk­látur félag­inu fyrir hvernig það hefur staðið á bak við hann. Hann sagð­ist, vilja gefa út yfir­lýs­ingu á þessum tíma­punkt­i svo að knatt­spyrnu­stjór­inn og félagið verði ekki fyrir trufl­unum vegna orðróms um að hann sé að fara frá félag­inu það sem eftir lifir leik­tíð­ar. Gerr­ard spil­aði sinn fyrsta leik fyrir Liver­pool árið 1998, þá átján ára gam­all. Hann hefur leikið 695 leiki fyrir Liver­pool, hefur fagnað tíu titlum með félag­inu, en sá stærsti er þegar Liver­pool vann Meist­ara­deild Evr­ópu árið 2005, þar sem hann skor­aði eitt mark og lék stórt hlut­verk í end­ur­komu liðs­ins eftir að það hafði lent 3-0 undir gegn AC Mil­an. Gerr­ard hefur aldrei fagnað sigri í ensku úrvals­deild­inni á ferli sín­um, en komst einna næst því í fyrra þegar Liver­pool end­aði leik­tíð­ina í öðru sæti á eftir Manchester City. Gerr­ar­d lék 114 lands­leiki fyrir Eng­land áður en hann hætti að leika með lið­inu, eftir HM í Bras­ilíu síð­ast­liðið sum­ar. Margir fyrr­ver­andi leik­menn Liver­pool, og and­stæð­ingar sömu­leið­is, hafa tjáð sig um ákvörðun Gerr­ards í dag. Einn þeirra, Terry McDermott, sem var lyk­il­maður í sig­ur­sælasta liði Liver­pool í sög­unni, þegar það vann meðal ann­ars Evr­ópu­meist­ara­tit­il­inn þrjú ár í röð, segir Gerr­ard vera besta leik­mann í sögu Liver­pool. Hann hafi verið leik­maður hjá Liver­pool, þegar það var í besta falli „í með­al­lagi“ og það hafi samt unnið titla og hann farið fyrir lið­inu nán­ast allan feril sinn með því, sem lýkur í vor. 

Kenny and Souey shone in great great LFC teams...­Gerr­ard has played in LFC teams that were at best medi­ocre and he carried them to trophies — Terry McDermott (@TerryMac777) Janu­ary 1, 2015

https://www.youtu­be.com/watch?v=U­H6xY01jp5A