Alexis Tsipras, for­sæt­is­ráð­herra Grikk­lands, hefur boðað til þjóð­ar­at­kvæða­greiðslu um það hvort sam­þykkja skuli eða hafna nýju sam­komu­lagi sem lán­ar­drottnar Grikkja hafa lagt fram.

Tsipras greindi frá þessu í sjón­varps­ávarpi í gríska sjón­varp­inu í kvöld, skömmu eftir að hann snéri aftur til Aþenu eftir funda­höld í Brus­sel með Alþjóða­gjald­eyr­is­sjóðn­um, Seðla­banka Evr­ópu og fram­kvæmda­stjórn Evr­ópu­sam­bands­ins.

Tsipras sagði í ávarp­inu að til­lögur lán­ar­drottn­anna brytu í bága við evr­ópskar reglur og grund­vall­ar­rétt­indi til vinnu, jafn­réttis og virð­ing­ar. Þær sýndu að til­gangur sumra sem að samn­ing­unum hefðu komið væri ekki að ná góðu sam­komu­lagi fyrir alla aðila, heldur að nið­ur­lægja heila þjóð. Í sam­komu­lag­inu fælist óbæri­leg krafa um nið­ur­skurð.

Í ljósi aðstæðna muni stjórn­völd í Aþenu óska eftir nokk­urra daga fram­leng­ingu á núver­andi sam­komu­lagi, sem rennur út 30. júní næst­kom­andi. Þjóð­ar­at­kvæða­greiðslan á að fara fram sunnu­dag­inn 5. júlí.

Grísk stjórn­völd sögðu fyrr í kvöld að þau höfn­uðu til­lögum lán­ar­drottn­anna. Ang­ela Merkel Þýska­landskansl­ari hafði áður hvatt ein­dregið til þess að grísk stjórn­völd tækju því sem hún kall­aði óvenju­lega rausn­ar­lega til­lögu. Sam­kvæmt sam­komu­lag­inu hefðu grísk stjórn­völd fengið 15,5 millj­arða evra í áfram­hald­andi aðstoð, þar af 1,8 millj­arða evra sem hefðu verið þeim aðgengi­legar strax. Grikkir eiga að borga 1,5 millj­arð evra til Alþjóða­gjald­eyr­is­sjóðs­ins á þriðju­dag­inn.