Guð­björg Matth­í­as­dótt­ir, eig­andi Ísfé­lags Vest­manna­eyja, Íslensk/Am­er­íska og hlut­hafi í Morg­un­blað­inu, svo eitt­hvað sé nefnt, segir þörf vera á því að stór­efla sam­göngur í land­inu. Þær séu lífæð í fram­leiðslu­fyr­ir­tækj­um. „Greiðar og tryggar sam­göngur eru lífæð allra fram­leiðslu­fyr­ir­tækja og ég tel að við þurfum að fara í átak í sam­göngu­málum um allt land,“ sagði Guð­björg í sam­tali við vef Félags­kvenna í atvinnu­rekstri, FKA. Guð­björg var heiðruð í dag, og hlaut FKA við­ur­kenn­ing­una 2015. Við­ur­kenn­ing­arnar voru afhentar á degi FKA í Hörpu, en auk Guð­bjargar hlaut María Rún­ars­dótt­ir, stofn­andi Mint Solutions, hvatn­ing­ar­við­ur­kenn­ingu FKA og þakk­ar­við­ur­kenn­ing­una hlaut Guðný Guð­jóns­dótt­ir, eig­andi Mokka-­Kaffi.

Á vef FKA segir að Guð­björg eigi heiður skil­inn fyr­ir­ fram­lag sitt til atvinnu­mála frá því að hún tók við rekstri Ísfé­lags Vest­manna­eyja árið 2000, en á því ári lést maður henn­ar, Sig­urður Ein­ars­son lög­fræð­ing­ur. Hún er sjálf upp­alin í Reykja­vík, en flutt­ist til Vest­manna­eyja með manni sínum árið 1976.

„Árið 2000 var ár áfalla í lífi Guð­bjarg­ar, fjöl­skyldu hennar og sögu Ísfé­lags­ins. Í októ­ber það ár féll Sig­urður frá – og tveimur mán­uðum síðar brann nýtt og glæsi­legt frysti­hús félags­ins. Að sögn Guð­bjargar kom samt aldrei annað til greina en að halda ótrauð áfram. „Allra vegna“ segir hún. „Bæði fjöl­skyld­unnar og bæj­ar­fé­lags­ins vegna. Þetta var einn af fjöl­menn­ustu vinnu­stöð­unum í Vest­manna­eyjum og ekki annað í boði en að taka við kyndl­inum og reka fyr­ir­tækið áfram“. Það hefur hún gert allar götur síðan með glæsi­brag; dugn­aði og elju. ­Sjálf þakkar hún vel­gengn­ina ekki síst því hversu heppin hún er með sam­starfs­fólk – en þeir sem til þekkja eru sam­mála um að hennar eig­in­leik­ar; skyn­semi, áhugi og inn­sæi – skipti ekki minna máli. Ísfé­lag Vest­manna­eyja er nú með starf­semi bæði í Vest­manna­eyjum og á Þórs­höfn á Langa­nesi og er burða­rás í báðum bæj­ar­fé­lög­um. Hjá félag­inu starfa 250-300 manns. Er þá ótalin öll sú starf­semi sem Guð­björg kemur að í öðrum félög­um," segir á vef FKA þar sem við­ur­kenn­ing­arnar eru til umsagn­ar.