Meiri­hluti bæj­ar­stjórnar Fjalla­byggð­ar, sam­ein­aðs sveit­ar­fé­lags Ólafs­fjarðar og Siglu­fjarð­ar, hefur ákveðið að ráða Gunnar I. Birg­is­son sem nýjan bæj­ar­stjóra sveit­ar­fé­lags­ins. Gunnar tekur við af Sig­urði Val Ásbjarn­ar­syni, sem óskaði eftir að láta af störfum af per­sónu­legum ástæð­um. Þetta kemur fram í frétta­til­kynn­ingu frá bæj­ar­stjórn Fjalla­byggð­ar. „Gunnar hefur mikla reynslu af sveit­ar­stjórn­ar­málum og var bæj­ar­stjóri í Kópa­vogi til fjölda ára,“ segir í frétta­til­kynn­ing­unni.

Gunnar hefur verið bæj­ar­full­trúi og þing­maður fyrir hönd Sjálf­stæð­is­flokks­ins,  og á ára­tuga langan póli­tískan feril að baki.

Sig­urður Valur seg­ist í til­kynn­ingu á vef Fjalla­byggðar, vera stoltur af árangrinum sem hafi náðst í sveit­ar­fé­lag­inu undir hans stjórn. „Í bréfi mínu í dag til bæj­ar­stjórnar Fjalla­byggðar hef ég óskað eftir því að fá lausn frá störfum sem bæj­ar­stjóri Fjalla­byggð­ar. Ástæða upp­sagnar minnar er fyrst og fremst af per­sónu­legum ástæðum og eru starfs­lokin gerð í fullri sátt við bæj­ar­full­trúa. Ég vil þakka bæj­ar­full­trúum Fjalla­byggðar fyrir ánægju­legt sam­starf um leið og ég óska þeim góðs gengis við störf sín fyrir sam­fé­lag­ið. Einnig þakka ég starfs­mönnum bæj­ar­fé­lags­ins fyrir góð kynni og gott sam­starf. Margt hefur áunn­ist frá árinu 2010 en mörg spenn­andi verk­efni eru framund­an. Staða sveit­ar­fé­lags­ins er sterk og ég er stoltur af þeim árangri sem náðst hefur á und­an­förnum árum. Ég vil að lokum nota tæki­færið og þakka íbúum Fjalla­byggðar fyrir gott sam­starf um leið og ég óska bæj­ar­fé­lag­inu alls hins besta,“ segir Sig­urður Val­ur.