„Fyrstu nið­ur­stöður um áhrif breyt­inga á neyslu­sköttum á verð­lag mat­vara gefa skýra vís­bend­ingu um að hækkun á neðra þrepi virð­is­auka­skatts hafi þegar skilað sér að fullu út í verð­lag en í flestum versl­unum séu áhrif af afnámi vöru­gjalda enn mjög tak­mörk­uð.“ Þannig hljóðar fyrsta máls­greinin í frétta­til­kynn­ing­u frá Alþýðu­sam­bandi Íslands (ASÍ), sem send var fjöl­miðlum síð­deg­is.

Þar kemur fram að mat­vara hafi hækkað umtals­vert í verði und­an­far­inn mánuð sam­kvæmt fyrstu nið­ur­stöðum úr verð­mæl­ingum verð­lags­eft­ir­lits ASÍ í mat­vöru­versl­unum í kjöl­far breyt­inga á virð­is­auka­skatti og vöru­gjöld­um. Eins og kunn­ugt er hækk­aði virð­is­auka­skattur á mat­vöru úr sjö pró­sentum í ell­efu pró­sent auk þess sem syk­ur­skatt­ur­inn svo­kall­aði var afnum­inn.

Sam­kvæmt verð­mæl­ingu ASÍ hækk­aði mat­vöru­karfan mest í versl­un­inni Víði, eða um 5,2 pró­sent frá því í lok nóv­em­ber, sem Alþýðu­sam­bandið full­yrðir að sé umtals­vert meiri hækkun en neyslu­skatts­breyt­ing­arnar um ára­mót gefi til­efni til. Að mati verð­lags­eft­ir­lits ASÍ gefa breyt­ing­arn­ar ­til­efni til um það bil 1,5 pró­senta hækk­unar á mat­ar­körf­unni.

Í versl­un­inni Kjar­val hækkar mat­ar­k­arfa ASÍ minnst á milli mæl­inga, eða um 0,7 pró­sent.

Mynd úr frétta­til­kynn­ingu ASÍ.