Hanna Birna Krist­jáns­dótt­ir, fyrrum inn­an­rík­is­ráð­herra, ætlar ekki að mæta fyr­ir­ ­stjórn­skip­un­ar- og eft­ir­lits­nefndar Alþingis til að ræða um leka­mál­ið. Í bréfi sem Hanna Birna sendi for­manni nefnd­ar­innar í dag kemur fram að hún setj­ist á þing eftir miðjan apr­íl. Þetta kemur fram á vef RÚV.

Ögmundur Jón­as­son, for­maður stjórn­skip­un­ar- og eft­ir­lits­nefndar Alþing­is, send­i ít­rekun til Hönnu Birnu um boð á að mæta á fund nefnd­ar­inn­ar. Bréf með ítrek­un­inni var birt á vef Alþing­is í síð­ustu viku.

Hann hafði áður, fyrir hönd nefnd­ar­inn­ar, ritað Hönnu Birnu bréf, þann 22. jan­úar síð­ast­lið­inn í tengslum við leka­málið og henni boðið að mæta á fund nefnd­ar­innar til að gera grein fyrir sinni sýn á málið og svara spurn­ingum nefnd­ar­manna um fram­göngu sína í mál­inu. Þá var óskað eftir því að Hanna Birna myndi svara því skrif­lega hvort hún hyggð­ist verða við óskum um að mæta á fund nefnd­ar­inn­ar.

Slíkt svar barst hins vegar ekki og því óskað­i ­nefndin eftir að svar myndi frá henni fyrir næsta fund, sem er áætl­aður á morg­un, þann 17. mars.

Frétta­stofa RÚV hefur svar­bréf Hönnu Birnu undir hönd­um. Þar kemur fram að hún vísi til þeirra upp­lýs­inga og gagna sem þegar liggi fyrir í leka­mál­inu. Rann­sókn og sak­sókn máls­ins hafi lokið með dómi Hér­aðs­dóms Reykja­víkur yfir fyrrum aðstoð­ar­manni hennar í nóv­em­ber síð­ast­lið­inn. „Líkt og ítrekað hefur komið fram var ég ekki upp­lýst um þá aðkomu hans fyrr en nokkrum dögum áður. Í það ár sem málið var til umræðu reyndi ég alltaf að svara spurn­ingum um það í sam­ræmi við þá vit­neskju sem ég hafði á hverjum tíma. Það á jafnt við um svör mín við fyr­ir­spurnum þing­manna í þing­sal og til nefnd­ar­manna stjórn­skip­un­ar- og eft­ir­lits­nefndar þegar ég mætti á fund nefnd­ar­inn­ar,“ segir Hanna Birna í bréf­inu sam­kvæmt frétt RÚV.

Þá segir Hanna Birna að umboðs­maður Alþingis hafi lokið sinni athugun á mál­inu með áliti og þar sem hún gegni ekki lengur emb­ætti inn­an­rík­is­ráð­herra, hafi áður svarað umboðs­manni Alþingis í fjórum form­legum bréfum og sé sem stendur í leyfi frá þing­störfum „ þá vísa ég til ofan­greinds og óska nefnd­inni vel­farn­aðar í sínum störfum en óska jafn­framt ekki eftir að koma frek­ari upp­lýs­ingum að vegna máls­ins.“