Hanna Birna Krist­jáns­dótt­ir, vara­for­maður Sjálf­stæð­is­flokks­ins og fyrr­ver­andi inn­an­rík­is­ráð­herra, hefur boðað end­ur­komu sína á Alþingi í dag.

Hún hefur verið í leyfi frá þing­störfum frá því í nóv­em­ber, eða eftir að hún hrökkl­að­ist úr ráð­herra­stóli eftir að aðstoð­ar­maður henn­ar, Gísli Freyr Val­dórs­son, hlaut skil­orðs­bundin fang­els­is­dóm í Hér­aðs­dómi Reykja­víkur fyrir að leka trún­að­ar­upp­lýs­ingum um hæl­is­leit­anda úr inn­an­rík­is­ráðu­neyt­inu til fjöl­miðla.

Í áliti umboðs­manns Alþingis kemur fram að Hanna Birna og hennar fólk hafi haft mikil og ítrekuð afskipti af rann­sókn lög­reglu á lek­anum úr ráðu­neyt­inu henn­ar, og að hún hafi farið langt út fyrir vald­svið sitt.

Í kjöl­farið bauð stjórn­skip­un­ar- og eft­ir­lits­nefnd Alþingis Hönnu Birnu að koma á fund nefnd­ar­innar til að ræða álit umboðs­manns sem og ummæli hennar í þing­inu í tengslum við leka­mál­ið, sem mörgum þótti ekki stand­ast skoð­un. Hanna Birna afþakk­aði boð­ið.

Rúin trausti og í nán­ast von­lausri póli­tískri stöðu hefur hún nú ákveðið að snúa aftur á þing, og sitja þar út kjör­tíma­bilið í umboði kjós­enda.

Kjarn­inn spyr: og hvað nú?