Starfs­greina­sam­bandið (SGS) boðar nú harð­ari verk­falls­að­gerð­ir, sem bresta munu á í lok mán­að­ar­ins og í maí­mán­uði, hafi ekki nást samn­ingar fyrir þann tíma. Um er að ræða mun harð­ari og umfangs­meiri aðgerðir en áður höfðu verið boð­að­ar, en í stað stað­bund­inna vinnu­stöðv­ana hefj­ast alls­herj­ar­verk­föll.

Aðgerð­irnar ná til yfir tíu þús­und félags­manna aðild­ar­fé­laga SGS og munu hafa mikil áhrif á fjölda vinnu­staða um land allt. Atkvæða­greiðsla vegna verk­falls­boð­un­ar­innar hefst á mánu­dag­inn og lýkur á mið­nætti 20. apr­íl. Þetta kemur fram í frétta­til­kynn­ingu frá SGS sem barst fjöl­miðlum nú fyrir skemmstu.

Þar seg­ir: „Ástæðan fyrir þessu fyr­ir­hug­uðu hertu verk­falls­að­gerðum Starfs­greina­sam­bands­ins eru m.a. til­raunir Sam­taka atvinnu­lífs­ins til að tefja fyrir atkvæða­greiðslum laun­þega­sam­taka og mik­ill bar­áttu­vilji meðal félags­manna aðild­ar­fé­laga Sam­bands­ins. Upp­haf­lega var áætlað að hefja vinnu­stöðv­anir um miðjan þennan mánuð en vegna úrskurðar Félags­dóms varð að hefja atkvæða­greiðslu um aðgerð­irnar upp á nýtt.“

Meg­in­krafan SGS hefur verið hækkun grunn­launa sem liggja nú í rúmum 200 þús­und krónum fyrir fulla vinnu og að lág­marks­laun fari þannig upp í 300 þús­und krónur innan þriggja ára. Krafan er sett fram meðal ann­ars í ljósi mik­ils hagn­aðar fyr­ir­tækja og hækk­ana til hinna hæst laun­uðu í þjóð­fé­lag­inu, að því er fram kemur í frétta­til­kynn­ingu frá Starfs­greina­sam­band­inu.

Þar er haft eftir Birni Snæ­björns­syni, for­manni SGS: „Fólk er bara orðið reitt. Það er ekki hægt að lifa sóma­sam­legu lífi á þessum laun­um. Þegar við bæt­ast hækk­anir á mat­ar­skatti og hærri hús­næð­is­kostn­aður þá er ljóst að staða verka­fólks er orðin óvið­un­andi og það nær ein­fald­lega ekki að fram­fleyta fjöl­skyldum sín­um. [...] Miðað við for­sendur þær sem atvinnu­rek­endur hafa sett fram þá er verið að bjóða þessu fólki upp á nokkra þús­und kalla í hækk­un. Það sættir sig eng­inn við í okkar hópi og við erum því nauð­beygð að grípa til þess­ara aðgerða. Við vonum auð­vitað í lengstu lög að það megi forða verk­föll­um. Þau eiga alltaf að vera neyð­ar­úr­ræði. Það er hins vegar eng­inn bil­bugur á okkar fólki og við erum búin undir að þetta geti orðið löng orr­usta."

Skipu­lag verk­falls­að­gerð­anna:

30. apríl 2015 - Alls­herjar vinnu­stöðvun frá klukkan 12:00 á hádegi til mið­nættis sama dag.

6. maí 2015 - Alls­herjar vinnu­stöðvun frá mið­nætti til mið­nættis (allur 6. maí).

7. maí 2015 - Alls­herjar vinnu­stöðvun frá mið­nætti til mið­nættis (allur 7. maí).

19. maí 2015 - Alls­herjar vinnu­stöðvun frá mið­nætti til mið­nættis (allur 19. maí).

20. maí 2015 - Alls­herjar vinnu­stöðvun frá mið­nætti til mið­nættis (allur 20. maí).

26. maí 2015 - Ótíma­bundin vinnu­stöðvun hefst á mið­nætti aðfara­nótt 26. maí 2015.