Bene­dikt Jóhann­es­son, útgef­andi Frjálsrar versl­un­ar, segir að fjöldi atvinnu­rek­enda hafi oft og tíðum þrýst á sig og viljað að hann hætti útgáfu tekju­blaðs­ins. Þetta sagði Bene­dikt í við­tali í þætt­inum Launa­þátt­ur­inn á sjón­varps­stöð­inni Hring­braut. Tekju­blað Frjálsrar versl­unar kemur út árlega og sýnir tekjur yfir þrjú þús­und Ís­lend­inga, byggt á álagn­ing­ar­skrám Rík­is­skatt­stjóra. Blaðið hefur komið út í ald­ar­fjórð­ung.

Í frétt Hringrbrautar er haft eftir Bene­dikt að birt­ingin sé þyrnir í augum margra atvinnu­rek­enda. Þeir hafi margir hverjir hringt og þrá­beðið um að útgáf­unni verði hætt því hún kalli á elífan sam­an­burð á launum innan fyr­ir­tækja, og mik­inn og við­var­andi þrýst­ing á kaup­hækk­an­ir. Hann hafi þó aldrei látið segjast, enda líti hann á útgáfu blaðs­ins sem mik­il­væga upp­lýs­ingu fyrir lands­menn, sem auð­veldi launa­fólki að semja um kjör sín. Full­kom­lega eðli­legt sé að fólk beri saman laun sín og skoði hvernig kaupin ger­ist á eyr­inni. Það veit­i að­hald, en ­leynd­ar­hyggja skapi aðeins óþarfa tor­tryggni.