Heiða Björg Hilm­is­dótt­ir, vara­for­maður og borg­ar­full­trúi Sam­fylk­ing­ar­inn­ar, verður næsti for­maður Sam­bands íslenskra sveit­ar­fé­laga, en hún hafði betur í raf­rænni kosn­ingu lands­þings­full­trúa sam­bands­ins sem hófst 15. ágúst og lauk í dag. Heiða Björg hefur verið vara­for­maður sam­bands­ins und­an­farin ár.

Rósa Guð­bjarts­dóttir bæj­ar­stjóri og odd­viti Sjálf­stæð­is­flokks­ins í Hafn­ar­firði bauð sig fram gegn Heiðu Björgu og afar mjótt var á mun­um. Alls voru 152 lands­þings­full­trúar á kjör­skránni og kosn­inga­þátt­takan 98,03 pró­sent.

Heiða Björg fékk 76 atkvæði, 51,01 pró­sent atkvæða, en Rósa hlaut 73 atkvæði, 48,99 pró­sent.

Það verður því Heiða Björg sem mun því taka við emb­ætti for­manns Sam­bands íslenskra sveit­ar­fé­laga á lands­þingi sam­bands­ins sem fer fram á Akur­eyri undir lok næsta mán­að­ar. Þar verður sömu­leiðis kjörin ný stjórn sam­bands­ins.

Í til­kynn­ingu Sam­bands íslenskra sveit­ar­fé­laga segir að Heiða Björg sé fædd og upp­alin í Eyja­firði, en hún hefur búið í Reykja­vík nær öll sín full­orð­ins­ár.

Heiða Björg var kjörin vara­for­maður Sam­fylk­ing­ar­innar í febr­úar 2017, hefur setið í borg­ar­stjórn Reykja­víkur í 9 ár og verið vara­for­maður stjórnar Sam­bands íslenskra sveit­ar­fé­laga síð­ustu 4 ár.