Rúm­lega 1.800 heim­ili voru í van­skilum með lán sín hjá Íbúða­lána­sjóði í apríl síð­ast­liðnum auk þess sem 73 heim­ili voru með lán sín fryst.  Virði und­ir­liggj­andi lána í van­skilum til heim­ila nemur um 33 millj­örðum króna eða tæp­lega fimm pró­sent af útlánum sjóðs­ins til heim­ila. Hlut­fallið hefur lækkað mikið síð­ast­liðið ár en það var um 10,3 pró­sent í apríl 2014. Alls voru 4,28 pró­sent heim­ila með fast­eigna­lán sín hjá Íbúða­lána­sjóði með lánin í van­skilum í lok apríl en sama hlut­fall varið 4,52 pró­sent í mars.

Þetta kemur fram í mán­að­ar­skýrslu Íbúða­lána­sjóðs sem birt var síð­ast­lið­inn föstu­dag.  Fram kemur að van­skil eða fryst­ingar útlána til ein­stak­linga ná til 4,96 ­pró­sent lána­safns­ins. Sam­bæri­legt hlut­fall í apríl 2014 var 10,28 ­pró­sent. Með lög­að­ilum með­töldum ná van­skil eða fryst­ingar til 7,02 pró­sent lána­safns­ins, sam­an­borið við 12,4 pró­sent í apríl 2014.

Van­skil og fryst­ingar Íbúða­lána­sjóðs í apríl 2015. Graf úr mán­að­ar­legri skýrslu Íls.

Heild­ar­út­lán í apríl námu 906 millj­örðum króna. Þar af voru almenn lán tæp­lega 300 millj­ónir króna. Með­al­fjár­hæð almennra lána var 11,9 millj­ónir króna. Þá námu upp­greiðslur lána um 1,4 millj­örðum króna í apríl sam­an­borið við 2,6 millj­arða í mars.