Virð­i hluta­bréfa í Kaup­höll Íslands lækk­að­i hjá flestum félögum í við­skiptum í dag. Úrvals­vísi­talan lækk­aði um 1,16 pró­sent en mæst lækk­uðu bréf Voda­fo­ne, alls um 2,8 pró­sent í um 160 millj­óna króna við­skipt­um. Af 15 skráðum félögumn þá lækk­aði gengi ell­efu félaga. Þrjú stóðu í stað og N1 hækk­aði eitt félaga, um 0,4 pró­sent.

Lækk­anir á hluta­bréfa­mark­aði í dag koma í kjöl­far nokk­urra hækk­ana síð­ustu tvo daga, sem meðal ann­ars mátti rekja til aðgerð­ar­á­ætl­unar stjórn­valda til los­unar fjár­magns­hafta. Fyrir opnun mark­aða í morgun til­kynnti Seðla­bank­inn um hækkun stýri­vaxta um 0,5 pró­sent­ur. Er það fyrsta stýri­vaxta­hækkun bank­ans í um tvö og hálft ár. Afnáms­á­ætl­unin og stýri­vaxta­á­kvörðun hafa því hreyft hressi­lega við verð­bréfa­mörk­uðum þessa vik­una.

Áhrif stýri­vaxta­á­kvörð­unar voru skýr á skulda­bréfa­mark­aði, einkum skila­boð pen­inga­stefnu­nefndar þess efnis að enn frek­ari vaxta­hækk­anir séu í píp­un­um. Ávöxt­un­ar­krafa óverð­tryggðra rík­is­skulda­bréfa hækk­aði um 16 til 30 punkta í dag. Grein­ing­ar­deild Arion banka bendir á þetta í umfjöllun sinni um vaxta­á­kvörð­un­ina í dag. „Þó að ákvörðun pen­inga­stefnu­nefndar hafi verið í sam­ræmi við spá Grein­ing­ar­deildar og ann­arra grein­ing­ar­að­ila var sú fram­virka leið­sögn bank­ans sem finna mátti í lok yfir­lýs­ing­ar­innar e.t.v. skýr­ari en von var á, en henni lýkur á þeim orðum að ein­sýnt sé „að hækka þurfi vexti umtals­vert í ágúst og frekar á kom­andi miss­erum eigi að tryggja stöðugt verð­lag til lengri tíma lit­ið“,“ segir í grein­ingu deild­ar­inn­ar.