Mikil spenna er vegna hafta­á­ætl­unar rík­is­stjórn­ar­inn­ar, sem verður kynnt í dag eða á morg­un, og hvað hún muni fela í sér. Íslend­ingar hafa enda setið pikk­fastir innan mjög þröngra hafta í á sjö­unda ár og ljóst að kostn­að­ur­inn af hafta­bú­skapnum er og verður gríð­ar­leg­ur. Við­skipta­ráð hefur áætlað að höftin kosti okkur um 80 millj­arða króna í gjald­eyr­is­tekjur á ári.

Það er hins vegar morg­un­ljóst, og allir verða að átta sig á því, að höft verða ekki afnumin á Íslandi. Þau verða los­uð. Eina tíma­bilið sem íslenska krónan hefur flotið frjáls eru árin fyrir hrun og þótt margir vilji ugg­laust end­ur­taka þau þá eru færri til í að end­ur­upp­lifa afleið­ing­arnar sem sú galna hag­stjórn leiddi af sér. Á meðan að krónan er myntin okkar þá verða höft, og styrk stýr­ing Seðla­bank­ans á þeim, til staðar um ókomna tíð.

Þessi afstaða kom ágæt­lega fram í sam­tali Más Guð­munds­sonar seðla­banka­stjóra við Kjarn­ann 22. apríl síð­ast­lið­inn. Þar var Már spurður hvort hann hafi áhyggjur af því að gengi krón­unnar muni veikj­ast við losun hafta. Svar Más var ein­falt: „Ég hef ekki áhyggjur af því. Við munum ein­fald­lega tryggja að svo verði ekki.“