Íslands­banki segir að ástæðan fyrir að útlán bank­ans til bygg­ing­ar­iðn­aðar hafi minnkað sé sam­blanda af minnk­andi eft­ir­spurn eftir slíkum lánum og hrað­ari upp­greiðslum á útistand­andi lán­um. Ástæðan sé ekki sú að bank­inn hafi synjað verk­efn­um. Þetta kemur fram í svari bank­ans við fyr­ir­spurn Kjarn­ans.

Líkt og Kjarn­inn hefur fjallað áður hefur virði útlána íslensku bank­anna til bygg­ing­ar­starf­semi minnkað um tugi millj­arða króna á síð­ustu mán­uð­um. Nettó útlán þeirra í þessum flokki hafa verið nei­kvæð átta árs­fjórð­unga í röð.

Útlána­staða Íslands­banka til bygg­ing­ar­iðn­aðar á milli síð­ustu og þar­síð­ustu ára­móta hefur minnkað um tvo millj­arða króna, en það er svipuð minnkun og hefur átt sér stað hjá Kviku. Minnkunin er þó mun meiri hjá Lands­bank­an­um, þar sem virði útlána í geir­anum var 16 millj­örðum krónum minni við síð­ustu ára­mót heldur en ára­mótin þar á und­an.

Þrátt fyrir þessa minnkun sagði Birna Ein­ars­dótt­ir, banka­stjóri Íslands­banka, í við­tali við mbl.is að bank­inn hefði ekki dregið úr lán­veit­ingum til íbúða­upp­bygg­ingar og að í raun­inni sé mikil sam­keppni á milli bank­anna um hvert fast­eigna­verk­efni.

Í svari við fyr­ir­spurn Kjarn­ans um þessi ummæli segir bank­inn að útlána­minnkun Íslands­banka í geir­anum megi að hluta til skýra vegna hrað­ari upp­greiðslna bygg­ing­ar­verk­taka sem hafa tekið slík lán. Hins vegar sé einnig minni eft­ir­spurn eftir lánum í bygg­ing­ar­geir­an­um. Íslands­banki bætir við að minnkun­ina megi ekki skýra með því að hann sé að hafna verk­efn­um.