World Wrest­ling Enterta­in­ment, eða WWE, rifti samn­ingi sínum við fjöl­bragða­glímu­kapp­ann og kvik­mynda­leik­ar­ann Hulk Hogan í dag, eftir að fjöl­miðlar fjöll­uðu um að hann hefði farið niðr­andi orðum um þeldökka í kyn­lífs­mynd­bandi. Frétta­mið­ill­inn The Guar­dian fjallar um málið.

Slúð­ur­blöðin The National Enquirer og Radar Online greindu í dag frá inni­haldi umrædds kyn­lífs­mynd­bands þar sem Hogan, sem heitir réttu nafni Terry Bollea, heyr­ist tala af kyn­þátta­hatri og nota n-orðið svo­kalla ítrek­að.

Frétt­irnar í dag komu á sama tíma og Hogan býr sig undir mál­flutn­ing í máli sem hann höfð­aði á slúð­ur­mið­il­inn Gawker Media, fyrir að birta áður­ annað kyn­lífs­mynd­band af honum og sömu konu, Heather Clem, sem var þá gift vini Hog­ans, DJ Bubba „The Love Sponge“ Clem.

Hulk Hogan sendi frá sér frétta­til­kynn­ingu í dag, þar sem hann baðst afsök­unar á ummælum sín­um. „Fyrir átta árum not­aði ég gróft og meið­andi orða­lag í sam­tali. Það var óaf­sak­an­legt af mér að hafa notað slíkt orð­bragð, það er ekk­ert sem afsakar það og ég biðst fyr­ir­gefn­ingar á að hafa gert þetta,“ segir Hogan í til­kynn­ing­unni.

„Þetta er ekki sá maður sem ég hef að geyma. Ég trúi mjög á að hver mann­eskja í heim­inum sé mik­il­væg og ekki skuli mis­muna fólki eftir kyn­þætti, kyni eða skoð­un­um. Ég hef valdið sjálfum mér von­brigðum að að ég hafi notað svona orða­lag, sem er móðg­andi og sam­ræm­ist ekki mínum eigin skoð­un­um.“

Allar upp­lýs­ingar um Hogan virt­ust hafa verið fjar­lægðar af vef­síðu WWE seint í gær­kvöldi, og allur varn­ingur með nafn­inu hans sömu­leið­is. Tals­kona WWE stað­festi við fjöl­miðla í dag að samn­ingnum við Hogan hefði verið rift, en vildi ekki fara nánar út í ástæður rift­un­ar­inn­ar.

Hogan sendi frá skila­boð á Twitter eftir að frétt­ist af því að hann væri orð­inn atvinnu­laus.

In the storm I rel­e­ase control,­God and his Uni­verse will sail me where he wants me to be,one love. HH

— Hulk Hogan (@Hulk­Hogan) July 24, 2015