Hús­leit stendur nú yfir á skrif­stofum HSBC í Genf í Sviss í tengslum við upp­lýs­ingar um skatta­skjól. Sak­sókn­arar segja að verið sé að rann­saka pen­inga­þvætti.

Rann­sóknin bein­ist að bank­anum en gæti einnig á næst­unni beinst að ein­stak­lingum sem eru grun­aðir um að hafa tekið þátt í pen­inga­þvætti.

Rúm vika er liðin frá því að umfangs­mikil gögn um starf­semi bank­ans komu fyrir sjónir almenn­ings. Í gögn­unum sem Herve Falci­ani, fyrr­ver­andi starfs­maður bank­ans, lak til fjöl­miðlar kemur fram að HSBC í Sviss hefði hjálpað ríkum við­skipta­vinum sínum að skjóta pen­ingum undan skatti. Sex við­skipta­vinir bank­ans sem eru í skjöl­unum tengd­ust Íslandi. Falci­ani hefur boðið íslenskum stjórn­völdum gögnin að kostn­að­ar­lausu, að sögn Evu Joly.

HSBC birti heil­síðu­aug­lýs­ingar í mörgum stórum dag­blöðum í Bret­landi um helg­ina þar sem beðist var afsök­unar á mál­inu.

Franco Morra, banka­stjóri bank­ans, hefur sagt að búið væri að loka öllum reikn­ingum sem ekki sam­ræmd­ust miklum kröfum bank­ans. Gögnin væru áminn­ing um að gamla við­skipta­mód­elið um einka­banka­þjón­ustu í Sviss væri ekki lengur ásætt­an­legt.

Fréttin er í vinnslu.