Það verður að segj­ast alveg eins og er að Reykja­vík­ur­borg kemur ekk­ert sér­stak­lega vel undan vetri. Gult gras blasir við nán­ast hvert sem litið er, og sumar gang­stéttar minna helst á strand­lengjur eftir gengd­ar­lausan sand­burð í vet­ur. Vegna þessa eru sumar gang­stéttar ill­færar barna­vögnum og öðrum smærri far­ar­skjót­um, þó snjór­inn sé löngu löngu far­inn. Þó blessað daga­talið fulll­yrði að sum­arið sé gengið í garð, er hvorki umhverfið né hita­mælir­inn til vitn­is­burðar um þá full­yrð­ingu.

Þá er líka víða drasl á göt­um, í beð­u­m, ­görðum og á umferð­ar­eyjum svo fátt eitt sé nefnt, og göt­urnar í borg­inni minna helst á vega­kerfi þriðja heims rík­is, svo illa eru þær farnar eftir vet­ur­inn og trú­lega langvar­andi van­rækslu á við­haldi. Þá hefur bág­borið ástand gatna í Reykja­vík nú þegar valdið fjölda bif­reiða­eig­enda fjár­tjóni, eftir að bílar þeirra hafa skemmst eftir að keyra eftir hol­óttum götum borg­ar­inn­ar. Ekki verður auð­séð hvernig undið verður ofan af þessu á­standi.

Þeim sem þetta skrifar finnst borgin eig­in­lega bara subbu­leg um þessar mundir og ekki til mik­ils sóma. Hvenær ætla borg­ar­yf­ir­völd að fara að taka til hend­inni? Eftir hverju er verið að bíða?Von­andi ekki eft­ir ­góða veðr­inu, því það er bara alls ekk­ert víst að það komi.