Vig­dís Hauks­dótt­ir, þing­kona Fram­sókn­ar­flokks­ins og for­maður fjár­laga­nefnd­ar, spyr að því á Face­book síðu sinni, hversu lengi „vinstri hrægamm­arn­ir“ ætla að elt­ast við Hönnu Birnu Krist­jáns­dótt­ur, vara­for­mann Sjálf­stæð­is­flokks­ins og fyrr­ver­andi inn­an­rík­is­ráð­herra. Hanna Birna sagði af sér sem ráð­herra, vegna afskipta sem hún hafði af rann­sókn lög­regl­unnar á höf­uð­borg­ar­svæð­inu á leka á upp­lýs­ingum úr ráðu­neyti henn­ar, en leka­málið svo­nefnda á rætur sínar í þeim leka.

Vig­dís segir á Face­book síðu sinni, að hún hafi mót­mælt því að stjórn­skip­un­ar- og eft­ir­lits­nefnd ætti að halda áfram með leka­málið svo­kall­aða. „Ög­mundur Jón­as­son for­maður stjórn­skip­un­ar- og eft­ir­lits­nefndar boð­aði á fundi nefnd­ar­innar í morgun að halda ætti áfram með mál­efni Hönnu Birnu Ég mót­mælti því sem nefnd­ar­maður á þessum grunni 1. Hanna Birna hefur borið pólistíska ábyrgð og sagt af sér sem ráð­herra 2. Umboðs­maður Alþingis hefur lokið mál­inu fyrir hönd þings­ins 3. Dóms­mál hefur fallið þar sem aðstoð­ar­maður var dæmdur Hversu lengi ætla „vinstri hrægamm­an­ir“ að elt­ast við Hönnu Birnu - hvenær er nóg, nóg? Hvers vegna snýr nefndin sér ekki að Víg­lund­ar­mál­inu og Spari­sjóða­skýrsl­unn­i?,“ spyr Vig­dís á Face­book-­síðu sinni.