Heim­sókn Francois Hollande, for­seta Frakk­lands, hingað til lands í tengslum við Arctic Circle ráð­stefn­una í Hörpu, dregur athygl­ina að umhverf­is­vernd­ar­mál­um, enda Lofts­lags­ráð­stefnan í París á næsta leyti. Hollande hefur ferða vítt og breitt um heim­inn til að tala fyrir mik­il­vægi ráð­stefn­unn­ar, en vonir standa til þess að afger­andi ákvarð­anir verði teknar í París til að sporna við alvar­legum afleið­ingum lofts­lags­breyt­inga af manna­völd­um.

Eitt af því sem for­vitni­legt verður að sjá, er hvernig Ísland ætlar að ná háleitum mark­miðum sínum um að draga úr losun gróð­ur­húsa­loft­teg­unda um 40 pró­sent fyrir árið 2030, eins og stefnt er að. Það eru ekki allir sem átta sig á því, hversu gríð­ar­lega umfangs­mikið verk­efni það er, að draga svona mikið úr los­un. Það er lít­ill tími til stefnu í reynd, fimmtán ár. Umfangs­mikil lífstíls­breyt­ing ­þjóð­ar­innar er lík­lega það eina sem dugar til. En stjórn­mála­menn verða að útbúa áætl­un, plan, um hvernig mark­miðin eiga að geta náðst.