Ill­ugi Gunn­ars­son mennta- og menn­ing­ar­mála­ráð­herra hefur skýrt frá því að Haukur Harð­ar­son, stjórn­ar­for­maður Orku Energy, hafi keypt íbúð Ill­uga af honum vegna fjár­hags­vand­ræða. Ill­ugi og kona hans leigja íbúð­ina svo af Hauki. Hann hefur ekki enn útskýrt hvers vegna hann sagði ekki frá þessu ­fyrr. Til dæmis í þau fjöl­mörgu skipti sem hann var spurður um tengsl sín við Orku Energy und­an­farnar vik­ur, vegna vinnu­ferðar sem hann fór í til Kína í síð­asta mán­uði ásamt full­trúum fyr­ir­tæk­is­ins sem hann starf­aði áður hjá.

Ill­ugi hefur not­að vinnu ann­arra ráð­herra í tengslum við Orku Energy í mál­flutn­ingi sín­um. Í gær sagð­ist hann örugg­lega hafa gert minna fyrir Orku Energy heldur en „þá­ver­andi for­sæt­is­ráð­herra og utan­rík­is­ráð­herra, Jóhanna Sig­urð­ar­dóttir og Össur Skarp­héð­ins­son, þegar þau voru í Kína árið 2013 og ekki meira en Katrín Jak­obs­dóttir þáver­andi mennta­mála­ráð­herra gerði þegar hún var við­stödd und­ir­ritun samn­inga Orka Energy og kín­verskra stjórn­valda“ árið 2012.

Þarna skautar Ill­ugi algjör­lega fram­hjá aðal­at­riðum máls­ins. Það að ráð­herrar komi að málum sem þessum er ekki endi­lega tor­tryggi­legt eitt og sér. Ráð­herr­arnir þrír sem Ill­ugi nefnir hafa hins vegar ekki starfað og þegið laun frá Orku Energy, og hafa ekki heldur verið fjár­hags­lega háðir fyr­ir­tæk­inu eða stjórn­endum þess. Það hefur Ill­ugi hins vegar verið og er enn, og það án þess að gera grein fyrir því fyrr en hann nán­ast neydd­ist til þess þar sem fjöl­miðlar voru komnir á snoðir um mál­ið. Þegar þetta leggst allt saman er málið orðið væg­ast sagt loð­ið. Það eru grund­vall­ar­at­riðin í mál­in­u. Þetta er það sem verið er að gagn­rýna og þetta er það sem hann þarf að svara fyr­ir.