„Mikið óskap­lega getur póli­tísk umræða verið lág­kúru­leg,“ segir Ingi­björg Sól­rún Gísla­dótt­ir, fyrr­ver­andi for­maður Sam­fylk­ing­ar­innar og utan­rík­is­ráð­herra, á Face­book síðu sinni í kvöld, og vitnar þar til umræðu um for­manns­fram­boð Sig­ríðar Ingi­bjargar Inga­dótt­ur, þing­konu flokks­ins, gegn sitj­andi for­manni Árna Páli Árna­syni, á lands­fundi flokks­ins um liðna helgi. Árni Páll var kjör­inn for­maður með minnsta mögu­lega mun á fund­in­um, 241 atkvæði gegn 240 atkvæðum Sig­ríðar Ingi­bjarg­ar.

Ingi­björg Sól­rún segir að fylg­is­fólki Sig­ríðar Ingi­bjargar hafi mis­líkað skoðun henn­ar, sem hún viðr­aði á Face­book síðu sinni, og við það sé ekk­ert að athuga. Hins vegar sé full ástæða til að gera athuga­semd við ómerki­legan frétta­flutn­ing DV. „Ég leyfði mér að hafa mál­efna­lega skoðun á því hvernig staðið var að fram­boði Sig­ríðar Ingi­bjargar (Sig­ríður Ingi­björg Inga­dótt­ir) en sagði að öðru leyti ekk­ert um fram­boð­ið. Hennar fylg­is­fólki mis­lík­aði þessi skoðun mín og ég hef ekk­ert við það að athuga. Það er hins vegar full ástæða til að gera athuga­semd við ómerki­legan frétta­flutn­ing DV ( Jóhann Hauks­son) sem spyrðir ábend­ingar mínar og stór­yrði Sig­hvats Björg­vins­sonar saman og segir m.a.: ,,Ingi­björg Sól­rún Gísla­dóttir og Sig­hvatur Björg­vins­son hafa metið það svo að fram­boð Sig­ríðar Ingi­bjargar hafi verið óleikur á stundu þegar margt sé í húfi fyrir Sam­fylk­ing­una.“ Hvað gengur Jóhanni til með svona til­bún­ing­i?“ spyr Ingi­björg Sól­rún, og grípur einnig orð Sig­ríðar Ingi­bjarg­ar, um skrif Ingi­bjargar og Sig­hvats Björg­vins­son­ar, á lofti. „Sig­ríður Ingi­björg hendir þetta á lofti og seg­ir: ,,Ég held raunar að þau séu dálítið eins og hold­gerv­ingar gam­al­dags hug­mynda og þess sem er að ýta undir fylgi Pírata...." Hvernig dettur þér í hug að segja svona Sigga?“ segir for­mað­ur­inn fyrr­ver­andi.