Jack Dorsey, stofn­anda Twitt­er, og starfs­mönnum fyr­ir­tæk­is­ins hefur verið hótað líf­láti vegna þeirrar afstöðu þess að loka ­sam­fé­lags­miðla­að­göngum sem tengj­ast sam­tök­unum Íslamska ríkið (IS­IS). Hót­un­in var sett fram á sunnu­dag á vef­síð­unni Pastebin. Í henni eru allir jíhadistar heims hvattir til að sam­ein­ast í bar­áttu gegn Twitt­er.

Sam­kvæmt frétt Buzz­Feed um málið þá hafa stuðn­ings­menn ISIS verið dug­legir að deila hót­un­inni en ekki er enn búið að kom­ast að því hver það var sem setti hana inn á síð­una.

Með hót­un­inni, sem er skrifuð á arab­ísku, er mynd af Dorsey þar sem með skot­marks­skífu yfir and­liti hans. Twitt­er-vöru­merkið er einnig sýni­legt á mynd­inni.

Business Insider reyndi að þýða hót­un­ina og segir að þar standi meðal ann­ars að „Jack verði hjálp­ar­laus þegar háls hans verður opin­ber­lega orðin skot­mark fyrir her­menn Calip­hate og stuðn­ings­menn sem dreifðir eru á meðal ykk­ar“. Calip­hate vísar til íslamsks stjórn­valds sem stýrt er af Caliph, nokk­urs konar eft­ir­manns Múhameðs spá­manns.

Síðar í yfir­lýs­ing­unni skrifar höf­undur hót­un­ar­innar um „fjöl­miðla­stríð“ (e. media war) og segir að með því að stöðva ISIS frá því að tvíta skila­boðum sínum sé Twitter að standa í vegi fyrir miðlun hinnar heilögu bar­áttu sam­tak­anna til umheims­ins.