Íslandsbanki nú 250 milljarða króna virði og hefur aldrei verið verðmætari

Virði hlutabréfa í Íslandsbanka hefur aldrei verið hærra en við lokun markaða í dag. Sá hlutur sem ríkið seldi í bankanum í júní hefur hækkað um 32,2 milljarða króna, eða 58 prósent.

Íslandsbanki var skráður á markað í júní.
Íslandsbanki var skráður á markað í júní.
Auglýsing

Sá 35 pró­sent hlutur sem íslenska ríkið seldi í Íslands­banka í júní síð­ast­liðnum er nú met­inn á 87,5 millj­arða króna. Hann hefur hækkað um 32,2 millj­arða króna frá því að útboðið fór fram, eða alls um 58 pró­sent.

Virði Íslands­banka hefur aldrei verið meira en það var við lokun mark­aði í dag, eða 250 millj­arðar króna. Mark­aðsvirði bank­ans í heild hefur hækkað um 92 millj­arða króna frá því í júní, en íslenskra ríkið á enn 65 pró­sent hlut í hon­um. Sam­kvæmt þessu er virði þess hluta nú 162,5 millj­arðar króna.

Sá sem keypti hlut í Íslands­banka af íslenska rík­inu á eina milljón króna í júní gæti selt þann hlut í dag á 1.580 þús­und krón­ur. 

Rauk upp eftir til­kynn­inu um drög að upp­gjöri

Virði hluta­bréfa í Íslands­banka hefur auk­ist um 4,3 pró­sent, eða 10,4 millj­arða króna, á síð­ustu tveimur dög­um. Ástæða þess er sú að bank­inn birti drög að upp­gjöri þriðja árs­fjórð­ungs i gær sem benda til þess að hagn­aður hans á tíma­bil­inu verði langt yfir spám. 

Auglýsing
Greiningaraðilar höfðu reiknað með hagn­aði upp á 4,6 millj­arða króna en drög að upp­gjöri benda til þess að hagn­að­ur­inn verði 7,6 millj­arðar króna, eða þremur millj­örðum krónum meiri en spár gerðu ráð fyr­ir. Gangi þetta eftir mun Íslands­banki hafa hagn­ast að með­al­tali um 82 millj­ónir króna á hverjum ein­asta degi frá byrjun júlí og til loka sept­em­ber­mán­að­ar.

Spár grein­ing­ar­að­ila um hagnað voru sendar Íslands­banka á tíma­bil­inu 21. til 6. októ­ber og reynd­ust, líkt og áður sagði, langt frá veru­leik­an­um. Þess vegna þurfti Íslands­banki að til­kynna mark­aðnum um stöð­una. 

Sam­an­lagður hagn­aður Íslands­banka á fyrstu níu mán­uðum árs­ins er sam­kvæmt drög­unum um 16,6 millj­arðar króna. 

Yfir­­lýst mark­mið bank­ans er að greiða út 50 pró­­sent af hagn­aði hvers árs í formi hefð­bund­inna arð­greiðslna. Þá ætlar hann auk þess að nýta umfram eigið fé bank­ans til frek­­ari arð­greiðslna eða kaupa á eigin bréf­­um.

Arð­semi eigin fjár langt yfir mark­miði

Sá mæli­kvarði sem stjórn­endur banka nota til að mæla árangur sinn er ekki endi­lega hversu mik­ill hagn­aður er í krónum talið, heldur hver hlut­falls­leg arð­semi þessa eigin fjár er. Und­an­farin ár hefur þessi arð­semi verið nokkuð döpur og verið undir mark­mið­um.

Íslands­banki setti sér það mark­mið að ná átta til tíu pró­­sent arð­­semi á eigið fé fyrir lok árs 2022 og að til lengri tíma yrði arð­­semin yfir tíu pró­­sent. 

Á fyrsta árs­fjórð­ungi 2021 var arð­semin 7,7 pró­sent. Á þeim næsta var hún 11,6 pró­sent og þeim þriðja var hún orðin 15,7 pró­sent. Bank­inn verður því að öllum lík­indum langt yfir lang­tíma­mark­miði sínu þegar árið 2021 verður gert upp. 

Vaxta- og þókn­ana­tekjur upp um millj­arð milli ára

Mestu munar ann­ars vegar um að hreinar vaxta­tekjur hreinar þókn­ana­tekjur uxu sam­an­lagt um einn millj­arð króna milli ára. 

Vaxta­tekjur mynd­ast af vaxta­mun, mun­inum á þeim vöxtum sem bank­­arnir greiða fólki og fyr­ir­tækjum fyrir inn­­lán sem þau geyma hjá þeim og vöxt­unum sem þeir leggja á útlán. 

Þókn­ana­tekjur mynd­ast vegna þókn­ana sem bank­inn tekur fyrir t.d. eigna­stýr­ingu eða fyr­ir­tækja­ráð­gjöf. Í ljósi þess að íslensku bank­­arnir starfa nán­­ast ein­vörð­ungu í íslensku hag­­kerfi þá verður að álykta að stór hluti við­­skipta­vina þeirra séu stærstu fag­fjár­­­fest­­arnir innan þess, íslenskir líf­eyr­is­­sjóð­­ir.

Hins vegar juk­ust hreinar fjár­muna­tekjur um 900 millj­ónir króna, aðal­lega vegna jákvæðrar virð­is­breyt­ingar á fjár­fest­ingu í óskráðum hlut­deild­ar­fé­lög­um.

Skiptir Kjarninn þig máli?

Kjarninn reiðir sig á framlög lesenda. Með því að styrkja Kjarnann mánaðarlega tekur þú þátt í að halda úti öflugum fjölmiðli.

Við erum til staðar fyrir lesendur og fjöllum um það sem skiptir máli.

Ef Kjarninn skiptir þig máli þá máttu endilega vera með okkur í liði.

Já takk, ég vil styrkja Kjarnann!
Rauða kjötið: Áætlunin sem á að bjarga Boris
Pólitísk framtíð Boris Johnson er um margt óljós eftir að hann baðst afsökunar á að hafa verið viðstaddur garðveislu í Downingstræti í maí 2020 þegar útgöngubann vegna COVID-19 var í gildi. „Rauða kjötið“ nefnist áætlun sem á að halda Johnson í embætti.
Kjarninn 17. janúar 2022
Þórhildur Sunna Ævarsdóttir þingmaður Pírata.
Spurði forsætisráðherra út í bréfið til Kára
Þingmaður Pírata spurði forsætisráðherra á þingi í dag hver tilgangurinn með bréfi hennar til forstjóra ÍE hefði verið og hvers vegna hún tjáði sig um afstöðu sína gagnvart úrskurði Persónuverndar við forstjóra fyrirtækisins sem úrskurðurinn fjallaði um.
Kjarninn 17. janúar 2022
Mun meira kynbundið ofbeldi í útgöngubanni
Þrátt fyrir að útgöngubann auki verulega líkur á ofbeldi gagnvart konum og transfólki hefur málaflokkurinn fengið lítið sem ekkert fjármagn í aðgerðum stjórnvalda víða um heim til að bregðast við afleiðingar heimsfaraldursins.
Kjarninn 17. janúar 2022
Heimild til að slíta félögum sett í lög 2016 – Fyrsta tilkynning send út 2022
Fyrir helgi sendi Skatturinn í fyrsta sinn út tilkynningar til 58 félaga sem hafa ekki skilað inn ársreikningum þar sem boðuð eru slit á þeim. Lögin voru sett árið 2016 en ráðherra undirritaði ekki reglugerð sem virkjaði slitaákvæðið fyrr í haust.
Kjarninn 17. janúar 2022
Umfjallanir um liprunarbréf Jakobs Frímanns og „Karlmennskuspjallið“ ekki brot á siðareglum
Hvorki DV né 24.is brutu gegn siðareglum Blaðamannafélags Íslands með umfjöllunum sínum um Jakob Frímann Magnússon annars vegar og „Karlmennskuspjallið“ hins vegar.
Kjarninn 17. janúar 2022
Greiðslubyrðin svipuð og fyrir faraldurinn
Í kjölfar mikilla vaxtalækkana hjá Seðlabankanum lækkuðu afborganir af húsnæðislánum til muna. Þessi lækkun er nú að miklu leyti gengin til baka, þar sem bæði húsnæðisverð og vextir hafa hækkað á undanförnum mánuðum.
Kjarninn 17. janúar 2022
Ármann Kr. Ólafsson hefur verið oddviti Sjálfstæðisflokksins í Kópavogi og bæjarstjóri frá árinu 2012.
Ármann ætlar ekki að gefa kost á sér til endurkjörs í Kópavogi
Ármann Kr. Ólafsson oddviti Sjálfstæðisflokksins og bæjarstjóri í Kópavogi frá árinu 2012 ætlar ekki að sækjast eftir endurkjöri í sveitarstjórnarkosningunum í maí.
Kjarninn 17. janúar 2022
Það að skipa stjórn yfir Landspítala var á meðal mála sem stjórnarflokkarnir náðu saman um í nýjum stjórnarsáttmála.
Sjö manna stjórn yfir Landspítala verði skipuð til tveggja ára í senn
Skipunartími stjórnarmanna í nýrri stjórn Landspítala verður einungis tvö ár, samkvæmt nýjum frumvarpsdrögum. Talið er mikilvægt að hægt verði að skipa ört í stjórnina fólk sem hefur sérþekkingu á þeim verkefnum sem Landspítali tekst á við hverju sinni.
Kjarninn 17. janúar 2022
Meira úr sama flokkiInnlent