Íslands­mótið í Scrabble eða "skrafli" fer fram í Frið­ar­hús­inu á horni Snorra­brautar og Njáls­götu um næstu helgi, dag­ana 8. til 9. nóv­em­ber, eða um Airwa­ves-helg­ina svoköll­uðu. Orða­leik­ur­inn er vel þekktur víða um heim, og hefur verið vin­sæll borð­leikur í gegnum tíð­ina.

Þetta er annað árið í röð sem Íslands­mótið er hald­ið, en mótið í fyrra tókst með miklum ágæt­um. Um tutt­ugu manns tóku þátt í mót­inu í fyrra, en því lyktaði með því að Reynir Hjálm­ars­son stóð uppi sem sig­ur­veg­ari.

Að sögn Sig­urðar Arents Jóns­son­ar, tals­manns Skrafl­fé­lags­ins, sem hefur veg og vanda að skipu­lagn­ingu móts­ins, fer skrán­ing þetta árið vel af stað, en nú þegar hafa hátt í fjöru­tíu skrafl­arar skráð sig til leiks. Enn er hægt að skrá sig til þátt­töku með því að senda tölvu­póst á net­fangið skrafl­felagid@g­mail.com, en áhuga­samir geta einnig mætt fyrsta keppn­is­dag­inn og skráð sig til leiks. Skrán­ing­ar­gjald er 3.000 krón­ur. Veg­leg verð­laun eru í boði fyrir efstu sæt­in, en sá sigrar sem hlýtur flesta vinn­ing­ana.

Tals­maður Skrafl­fé­lags­ins segir miklar eft­ir­vænt­ingar ríkja fyrir öðru Íslands­mót­inu meðal Skraflá­huga­manna. "Við fórum nú bara af stað með mótið í fyrra til að vekja enn og aftur athygli á þessum skemmti­lega leik. Við vorum nokkur sem spil­uðum Skrafl nokkuð mikið og vild­um ­gera félags­skap úr þessu, og ákváðum þess vegna að blása til Íslands­móts. Við vonum bara að það verði jafn gaman í ár og í fyrra, og að ein­hverjum tak­ist að slá núver­andi Íslands­meist­ara við," segir Sig­urður Arent Jóns­son í sam­tali við Kjarn­ann.