Jóhanna Sig­urð­ar­dótt­ir, fyrr­ver­andi for­sæt­is­ráð­herra og for­maður Sam­fylk­ing­ar­inn­ar, gagn­rýnir nýja rík­is­stjórn undir for­ystu Vinstri grænna fyrir að kljúfa upp ráðu­neyti og fjölga þeim. 

Ráðu­neytin í stjórn­ar­ráði Íslands eru nú tólf og hafa aldrei verið fleiri, en auk þess ákvað rík­is­stjórnin að færa fjöl­marga mála­flokka á milli ráðu­neyta. Sam­kvæmt heim­ildum Kjarn­ans er talið að til­færsl­urnar muni hafa áhrif á rúm­lega fjórð­ung starfs­manna ráðu­neyta. 

Jóhanna, sem var for­sæt­is­ráð­herra frá 2009 til 2013 í rík­is­stjórn sem bæði Katrín Jak­obs­dóttir og Svan­dís Svav­ars­dóttir sátu í, segir í stöðu­upp­færslu á Face­book að í rann­sókn­ar­skýrslu til Alþingis um hrunið sem varð haustið 2008, og unnin var undir for­ystu Páls Hreins­son­ar, hafi ein til­lagan verið að fækka ráðu­neytum og stækka, því mörg hver væru of lítil og van­máttug til að takast á við verk­efni sín. 

Eftir þessu hafi rík­is­stjórn Sam­fylk­ingar og Vinstri grænna farið á árunum 2009-2013 þegar ráðu­neyti stækk­uðu og fækk­aði. Alls var ráð­herrum fækkað niður í átta. „Þessi rík­is­stjórn undir for­ystu VG gefur þess­ari til­lögu langt nef og bæði klífur upp ráðu­neyti og fjölg­ar.“

Jóhanna segir það líka vekja furðu að Vinstri græn skuli „af­henda íhald­inu umhverf­is-og lofts­lags­mál­in“, og á þar við Sjálf­stæð­is­flokk­inn. Hann hafi barist kröft­ug­lega í heilan ára­tug gegn ramma­á­ætlun um vernd og nýt­ingu nátt­úru­auð­linda. „Og ekki síður að íhaldið mun einnig fara með lofts­lags­mál­in, en aðgerðir á því sviði munu geta ráðið úrslitum um hvort líf­væn­legt verður á jörð­inni í náinni fram­tíð.“

Guð­laugur Þór Þórð­ar­son er nýr ráð­herra umhverf­is-, orku- og lofts­lags­mála.