Jón Gnarr, fyrrum borg­ar­stjóri Reykja­vík­ur, ætlar ekki að bjóða sig fram til for­seta Íslands. Þetta segir hann í pistli í Frétta­blað­inu í dag. Könnun sem Frétta­blaðið birti í byrjun nóv­em­ber í fyrra sýndi að 47 pró­sent aðspurðra vildu Jón sem næsta for­seta og rúm­lega sex þús­und manns hafa skorað á hann að bjóða sig fram á sér­stakri Face­book síðu. Jón seg­ist telja að hann yrði fínn for­seti og að starfið sé örugg­lega róleg inni­vinna.

Honum óar hins vegar þeirri til­hugsun að verða á þennan hátt hluti af "þeim ömur­lega og hall­æris­lega kúlt­úr" sem er íslensk stjórn­mála­menn­ing á þennan hátt. Hann ætlar ekki að gera fjöl­skyld­unni sinni það að "standa aftur and­spænis freka kall­in­um", sem hefur til­einkað sér til­ætl­un­ar­semi, frekju og dóna­skap í dag­legum sam­skipt­um. "Ég hef því tekið þá ákvörðun að ég mun ekki bjóða mig fram til for­seta Íslands í þetta skipt­ið. Kannski ein­hvern tíma seinna. Ég þakka fyrir alla þá vin­semd og virð­ingu sem mér hefur verið sýnd. fjöl­skyldu sinn­i", segir Jón Gnarr.