Van­trú á yfir­völd getur leitt til þess að lýð­skrumarar kom­ast til valda með því að lofa útdeil­ingu gæða.  Þar sem fólk treystir engum vill það bara fá eins mikið og það getur í eigin vasa með sem ein­földustum hætti. Slíkt grefur til lengri tíma undan vel­megun í sam­fé­lag­inu. Þetta segir hag­fræð­ing­ur­inn Jón Steins­son í stöðu­upp­færslu á Face­book í dag þar sem hann tengir við frétt um við­tal Frétta­blaðs­ins við hol­lenska mann­fræð­ing­inn Lilju Von Him­bergen sem vann rann­sókn hér á landi á íslensku sam­fé­lagi eftir kreppu. Nið­ur­staða Von Him­bergen er sú að efna­hags­hrunið hér á landi breytti jafn­vægi sam­fé­lags­ins og upp­bygg­ingu þess. Van­traust í garð yfir­valda er ríkj­andi og sömu­leiðis van­trú á lýð­ræð­ið.

Jón segir að Argent­ína hafi verið ágætis víti til varn­aðar hvað þetta varð­ar. "En svona van­trú gæti líka leitt til þess að ábyrgt fólk sem er utan við hefð­bundnar valda­blokkir lands­ins kom­ist til valda og geri brag­ar­bót á hefð­bund­inni sér­hags­muna­gæslu gömlu flokk­anna. Besti flokk­ur­inn gerði til dæmis ágæta hluti í Reykja­vík á síð­asta kjör­tíma­bili. Það skiptir miklu máli í hvora átt­ina kjós­endur fara á næstu árum á Ísland­i."