Háskól­inn á Bif­röst og íþrótta­fé­lagið Skalla­grímur í Borg­ar­nesi hafa gert með sér samn­ing um Bif­rast­ar­styrk­inn svo­kall­aða, en greint er frá samn­ingnum á vef háskól­ans.

Í Bif­rast­ar­styrknum felst að skóla­gjöld við Háskól­ann eru felld niður gegn því að leik­mað­ur­inn leiki knatt­spyrnu með meist­ara­flokki Skalla­gríms á samn­ings­tím­an­um, sem er eitt skólaár eða sam­kvæmt nán­ara sam­komu­lagi. Í umsókn­inni þarf að koma fram starfs­fer­ill, náms­fer­ill og knatt­spyrnu­fer­ill auk ann­arra þátta sem umsækj­andi telur mik­il­vægt að komi fram, að því er segir í frétt á vef háskól­ans. Síðan er við­kom­andi met­inn og athugað hvort hann geti fengið styrk­inn, og verið mik­il­vægur liðs­maður Skalla­gríms, sem nú leikur í B-riðli 4. deildar.

Umsóknir áhuga­samra eiga að send­ast á net­fang­ið ivar@­mennta­borg.is fyrir 10. maí næst­kom­andi, að því er fram kemur á vef háskól­ans.

Ívar Örn Reyn­is­son, for­maður knatt­spyrnu­deildar Skalla­gríms, og Vil­hjálmur Egils­son rekt­or, gengu frá samn­ingnum fyrir hönd háskól­ans og Skalla­gríms.