Kári Gauta­son og Iðunn Garð­ars­dóttir hafa verið ráðin sem aðstoð­ar­menn Svan­dísar Svav­ars­dóttur sjáv­ar­út­vegs- og land­bún­að­ar­ráð­herra. Kári hefur störf 10. jan­ú­ar, en Iðunn hefur þegar hafið störf og fylgdi ráð­herra úr heil­brigð­is­ráðu­neyt­inu. Þetta kemur fram í til­kynn­ingu frá ráðu­neyt­inu í dag.

Kári Gauta­son er fæddur á Akur­eyri árið 1989 og ólst upp á Græna­læk í Vopna­firði. Hann er stúd­ent frá Mennta­skól­anum á Akur­eyri. Hann lauk BS prófi í búvís­indum frá Land­bún­að­ar­há­skól­anum á Hvann­eyri árið 2013, og meistara­gráðu í búvís­indum með áherslu á erfða­fræði frá Árósa­há­skóla árið 2017.

Kári starf­aði sem bóndi árin 2013 til 2015, sem ráðu­nautur í loð­dýra­rækt í hluta­starfi 2013 til 2017 og var fram­kvæmda­stjóri þing­flokks VG árin 2018-2020. Sein­ast starf­aði Kári sem sér­fræð­ingur og stað­geng­ill fram­kvæmda­stjóra hjá Bænda­sam­tökum Íslands og sem stjórn­ar­maður í stjórn Byggða­stofn­un­ar. Hann lætur nú af þeim störfum til að ger­ast aðstoð­ar­maður ráð­herra. Kári er einnig annar vara­þing­maður VG í Norð­aust­ur­kjör­dæmi.

Iðunn Garð­ars­dóttir var aðstoð­ar­maður Svan­dísar sem heil­brigð­is­ráð­herra frá árinu 2017 og fylgir Svandísi nú sem áður segir í nýtt ráðu­neyti. Iðunn er fædd í Reykja­vík árið 1989. Hún er stúd­ent frá Mennta­skól­anum við Hamra­hlið, lauk BA prófi í íslensku frá Háskóla Íslands árið 2013, BA prófi í lög­fræði frá sama skóla árið 2015 og meist­ara­prófi í lög­fræði frá Háskóla Íslands vorið 2017. Iðunn starf­aði sem lög­fræð­ingur hjá lög­manns­stof­unni Juris áður en hún hóf störf í heil­brigð­is­ráðu­neyt­inu.

Iðunn var virk í starfi Röskvu innan Háskóla Íslands, var for­maður félags­ins árin 2012-2013 og sat í Stúd­enta­ráði og Háskóla­ráði fyrir hönd fylk­ing­ar­inn­ar. Hún situr í mál­nefnd Háskóla Íslands.