Kaup­fé­lag Skag­firð­inga (KS) hagn­að­ist um 2,1 millj­arð króna á árinu 2014. Það er litlu meira en félagið hagn­að­ist um árið á undan þegar hagn­að­ur­inn nam 1,7 millj­örðum króna. Sam­an­lagður hagn­aður skag­firska atvinnuris­ans á árunum 2011 til 2014 er 8,6 millj­arðar króna.

Greint er frá afkomu kaup­fé­lags­ins á síð­asta ári á frétta­síð­unni Feyk­i.is, sem hefur árs­skýrslu Kaup­fé­lags Skag­firð­inga undir hönd­um. Þar kemur fram að hún hafi verið kynnt á aðal­fundi kaup­fé­lags­ins sem fór fram í Sel­inu, mat­sal Kjöt­af­urða­stöðvar KS á Sauð­ár­króki, síð­asta laug­ar­dag.

Heild­ar­velta KS á síð­asta ári var velta KS um 27 millj­arðar króna, sem er um 1,5 millj­örðum króna minna en árið á und­an. Þórólfur Gísla­son, kaup­fé­lags­stjóri, segir í inn­gangs­orðum í árs­skýrsl­unni að lækk­unin stafi af minni veltu í sjáv­ar­út­vegi og sam­drætti í sölu kjöt­af­urða.

Eig­in­fjár­hlut­fall Kaup­fé­lags Skag­firð­inga er 68 pró­sent og eigið fé fyr­ir­tæk­is­ins 23,7 millj­arðar króna.

Ótrú­lega umsvifa­mikið fyr­ir­tæki

Kaup­fé­lag Skag­firð­inga er eitt stærsta fyr­ir­tæki á Íslandi. Stærsta eign þeirra er 100 pró­sent hlutur í útgerð­ar­fé­lag­inu FISK-­Seafood á Sauð­ar­króki, en það er fimmta stærsta útgerð­ar­fé­lag lands­ins. FISK-­Seafood á einnig, ásamt Sam­herja, 70 pró­sent hlut í Olíu­fé­lagi Íslands. KS á einnig tíu pró­sent hlut í Mjólk­ur­sam­söl­unni og Voga­bæ, móð­ur­fé­lag Mjólku. Auk þess rekur kaup­fé­lagið meðal ann­ars mjólk­ur­af­urða­stöð, kjöt­af­urða­stöð, Kjarn­ann þjón­ustu­verk­stæði, dag­vöru- og ferða­manna­verslun í Skaga­firði og versl­un­ina Eyri. Þá á kaup­fé­lagið hlut í Fóð­ur­blönd­unni ehf. List­inn yfir eignir er ekki tæm­andi.