Sam­tök atvinnu­lífs­ins (SA) hafa ráðið Kon­ráð S. Guð­jóns­son, fyrr­ver­andi aðstoð­ar­fram­kvæmda­stjóra Við­skipta­ráðs og núver­andi aðal­hag­fræð­ing sjóð­stýr­ing­ar­fyr­ir­tæk­is­ins Stefn­is, tíma­bundið í stöðu efna­hags­ráð­gjafa í aðdrag­anda kom­andi kjarna­samn­ings­gerð­ar. Hann mun jafn­framt taka sæti í samn­inga­nefnd SA og hefja störf um kom­andi mán­aða­mót. Þegar hlut­verki hans hjá SA er lokið mun Kon­ráð snúa aftur til Stefn­is, sem er í eigu Arion banka. 

Frá þessu er greint í til­kynn­ingu á heima­síðu SA í dag. Þar er haft eftir Hall­dóri Benja­mín Þor­bergs­syni, fram­kvæmda­stjóri SA, að það sé mik­ill styrkur að fá Kon­ráð tíma­bundið til liðs við SA. „Við væntum mik­ils af honum og þekkjum vel til hans starfa í gegnum tíð­ina.“

Konráð var sér­fræð­ingur í grein­ing­ar­deild Arion banka um þriggja ára skeið áður en hann var ráð­inn hag­fræð­ingur Við­skipta­ráðs seint á árinu 2017. Hann tók við því starfi af Kristrúnu Frosta­dótt­ur, sem hafði ráðið sig sem aðal­hag­fræð­ing Kviku banka. Kristrún hóf stjórn­mála­þátt­töku í fyrra og er nú í fram­boði til for­manns Sam­fylk­ing­ar­inn­ar. 

Sum­arið 2020 var Kon­ráð ráð­inn aðstoð­ar­fram­kvæmda­stjóri Við­skipta­ráðs og sinnti því starfi þar til seint á síð­asta ári þegar hann réð sig til Stefn­is. Hann er með meistara­gráðu í hag­fræði frá Warwick háskóla í Bret­landi og B.Sc. gráðu í hag­fræði frá Háskóla Íslands.