Kría, hvata­sjóður á vegum íslenska rík­is­ins sem fjár­festir í vís­i­sjóðum sem settur var á fót 2019, mun fjár­festa í þremur íslenskum sér­hæfðum fjár­fest­ing­ar­sjóðum fyrir sam­tals 2,2 millj­arða króna á næstu árum. Sjóð­irnir eru Eyrir Vöxt­ur, Frum­tak 3 og Crowberry II. Fjár­fest verður fyrir 810 millj­ónir króna í Frum­taki 3 og Crowberry II og fyrir 620 millj­ónir króna í Eyri Vexti.

Frá þessu er greint í til­kynn­ingu frá Kríu. 

Vísisjóðirnir þrír eiga það jafn­framt sam­eig­in­legt að vera stofn­aðir og fjár­magn­aðir á árinu sem nú er að líða. Tveir þeirra, Eyrir Vöxtur og Frum­tak 3, hafa nú lokið fyrir fjár­mögnun en Crowberry II tekur við fjár­fest­ing­ar­lof­orðum fram á mitt ár 2022. Áætl­aður líf­tími sjóð­anna þriggja er tíu ár.

Í til­kynn­ing­unni seg­ir: „Eyrir Vöxtur er sex millj­arðar króna að stærð og í umsýslu Eyrir Venture Mana­gement. Sjóð­ur­inn mun fjár­festa í sprota­fyr­ir­tækjum sem komin eru með vöru eða þjón­ustu, byrjuð að afla tekna og eru með góða vaxt­ar­mögu­leika. Frum­tak 3 er sjö millj­arðar króna að stærð, í umsýslu Frum­tak Venture, og mun fjár­festa í nýsköp­un­ar­fyr­ir­tækjum sem eru á fyrstu stigum fjár­mögn­unar og þykja væn­leg til vaxtar á alþjóð­legum mörk­uð­um. Crowberry II er 11,5 millj­arðar króna að stærð, í umsýslu Crowberry Capital, og mun fjár­festa í íslenskum og nor­rænum tækn­i-­sprota­fyr­ir­tækj­u­m.“