Krist­ján Þórður Snæ­bjarn­ar­son, sem verið hefur for­seti Alþýðu­sam­bands Íslands frá því að Drífa Snæ­dal sagði af sér emb­ætt­inu í byrjun ágúst­mán­að­ar, ætlar ekki að gefa kost á sér til þess að leiða sam­bandið áfram. Frá þessu sagði hann í færslu á Face­book í morg­un, en áður hafði hann sagt að hann væri að íhuga fram­boð til for­seta á þingi ASÍ, sem fram fer í októ­ber.

Krist­ján Þórð­ur, sem er for­maður Raf­iðn­að­ar­sam­bands Íslands, ætlar þó áfram að gefa kost á sér til for­ystu í ASÍ, sem 1. vara­for­seti.

Í færslu sinni segir hann að það hafi reynst áhuga­vert verk­efni að starfa sem for­seti ASÍ und­an­far­inn tæpan mán­uð.

„Það að stuðla að auknu sam­tali á milli ólíkra hópa innan ASÍ hefur verið mjög gef­andi og aug­ljóst að verka­lýðs­hreyf­ingin á spenn­andi tíma fyrir hönd­um. Ég hef átt mörg góð sam­töl við fólk víða í sam­fé­lag­inu um þetta verk­efni og fengið miklar hvatn­ingar fram á við. Ég hef því þurft að gera upp við mig hvað ég hygg­ist gera á næstu mán­uðum en sú ákvörðun er að sjálf­sögðu veru­lega flókin þar sem verk­efnin eru spenn­andi bæði það að starfa fyrir Raf­iðn­að­ar­sam­band Íslands sem og að vinna fyrir stærstu heild­ar­sam­tök launa­fólks á íslenskum vinnu­mark­að­i,“ segir Krist­ján Þórður í færslu sinni.

Hann bætir því við að verk­efnin framundna hjá Raf­iðn­að­ar­sam­band­inu séu gríð­ar­lega stór og gef­andi, bæði gerð kjara­samn­inga auk ann­arra verk­efna í dag­legu starfi sam­bands­ins sem komi inn á hans borð.

„Ég hef því ákveðið að gefa ekki kost á mér í emb­ætti for­seta ASÍ að svo stöddu heldur ein­beita mér að verk­efnum RSÍ. Ég mun þó áfram gefa kost á mér til þátt­töku í for­ystu ASÍ sem 1. vara­for­seti enda mikil þörf á að tryggja að rödd iðn- og tækni­fólks heyr­ist innan heild­ar­sam­tak­anna,“ skrifar Krist­ján Þórð­ur.

Með þess­ari ákvörðun bæt­ist Krist­ján Þórður í þann hóp verka­lýðs­for­ingja sem hafa úti­lokað að bjóða sig fram til for­seta­emb­ættis ASÍ.

Áður voru þau Sól­veig Anna Jóns­dóttir for­maður Efl­ingar og Vil­hjálmur Birg­is­son for­maður Starfs­greina­sam­bands­ins og Verka­lýðs­fé­lags Akra­ness búin að til­kynna opin­ber­lega að þau hygg­ist ekki bjóða sig fram til emb­ætt­is­ins.

Sá síð­ar­nefndi sagði við það tæki­færi að hann myndi styðja Ragnar Þór Ing­ólfs­son for­mann VR til for­ystu í Alþýðu­sam­band­inu, en enn sem komið er hefur Ragnar Þór ekki stað­fest að hann ætli að gefa kost á sér í for­seta­emb­ætt­ið.