Grein­ing­ar­deild Arion banka telur að und­ir­liggj­andi þættir í hag­kerf­inu muni styðja við gengi krón­unnar á næstu miss­er­um. Þetta er eitt að því sem kemur fram í upp­færðri hag­spá. Við­var­andi óvissa sé þó um losun fjár­magns­hafta.

„Þó að skamm­tíma­sveiflur eftir afnám hafta gætu átt sér stað er lík­legt að krónan eigi inni nokkra styrk­ingu til lengri tíma, enda hefur Seðla­bank­inn lagst þungt gegn styrk­ingu síð­ast­liðið ár. Mikil styrk­ing krón­unnar væri þó ekki endi­lega ákjós­an­leg sökum þess að nauð­syn­legt er að við­halda við­skipta­af­gangi næstu árin svo unnt verði að þjón­usta erlendar skuldir þjóð­ar­bús­ins,“ segir í texta frá grein­ing­ar­deild Arion banka, en hún kynnti hag­spá sína í dag og fór yfir ýmsa þætti sem finna má í hag­kerf­inu. Upp­færð hag­spá gerir ráð fyrir að hag­vöxtur verði á bil­inu tvö til þrjú pró­sent á þessu ári.

Farið var yfir þá þætti sem talið er að muni lita fjár­mála­mark­aði í ár, í kynn­ingu sér­fræð­inga grein­ing­ar­deildar bank­ans. Þegar litið er á fram­boð og eft­ir­spurn á fjár­mála­mörk­uðum bendir margt til þess að árið verði fremur hag­fellt á eigna­mörk­uð­um, að mati grein­ing­ar­deild­ar­inn­ar.

Frekar lítið fram­boð er af verð­tryggðum skulda­bréfum og er eft­ir­spurnin meiri en fram­boð­ið. „Óverð­tryggð eiga frekar undir högg að sækja um þessar mundir en áhyggjur fjár­festa af kjara­samn­ingum og auk­inni verð­bólgu fara vax­andi. Hvað hluta­bréfa­mark­að­inn varðar eru arð­greiðslur skráðra félaga á mark­aði fyr­ir­ferða­miklar og er því eft­ir­spurnin á hluta­bréfa­mark­aði meiri en fram­boðið að okkar mati. Þróun fjár­mála­mark­aða mun að miklu leyti lit­ast af því hver nið­ur­staða kjara­samn­inga verður og hvort og þá hvernig skref verða stigin í átt að afnámi gjald­eyr­is­hafta.“